Sams 66:9 - Pijin Bible

⁹ Hemi gohed fo lukaftarem laef blong mifala, an hemi no letem olketa enemi fo winim yumi.

Pijin Deuterocanon

⁹ Hemi gohed fo lukaftarem laef blong mifala, an hemi no letem olketa enemi fo winim yumi.

Sams 66:9 Iomraidhean Croise

Sams 112:6

Oltaem laef blong gudfala man hemi no save bagarap, an bae olketa pipol i gohed fo tingim olketa gudfala wei blong hem.

Sams 121:3

Ya, hemi no save slip an oltaem hemi lukaftarem yumi gudfala.

Sams 125:3

Olketa nogud pipol i no save rul fo longtaem long kantri blong yumi olketa pipol hu i trastem God. Sapos olketa duim olsem, maet yumi tu bae i falom nogud wei blong olketa ya.

Sams 22:29

Olketa praod pipol bae i baodaon long yu. An evriwan long wol ya wea olketa save dae, bae i baodaon long yu tu.

Sams 55:23

God, bae yu torowem olketa hu i kilim man dae an olketa hu i laea, fo go insaet long olketa grev blong olketa seleva, taem olketa yangfala yet. Bat bae mi gohed fo trastem yu nomoa. (Singsing blong Deved. Hemi wakem bihaen long taem wea olketa long Filistia i holem hem long taon long Gat.)

Sams 62:2

Hem nomoa hemi save gadem mi, an save sevem mi. Hemi strongfala sef ples blong mi fo haed, an olketa enemi bae i nating save winim mi.

Sams 62:6

Hem nomoa hemi gadem mi, an hemi sevem mi. Hemi strongfala sefples blong mi fo haed, an olketa enemi bae i nating save winim mi.

Sams 94:18

Lod Yawe, taem mi singaot go olsem, “Mi kolsap dae nao.” Bat bikos lav blong yu hemi bikfala tumas, dastawe nao mi no dae yet.

Aposol 17:28

olsem wanfala man hemi bin raetem finis, ‘From yumi joen wetem God nao, yumi stap long disfala wol an yumi garem laef an yumi save wakabaot go.’ An hemi olsem narafala kleva man blong yufala i raetem finis tu, ‘Yumi evriwan i olketa pikinini blong hem.’

1 Samuel 2:9

Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.

1 Samuel 25:29

Nomata eniwan hemi ronem yu fo kilim yu dae, Yawe save kipim yu sef olsem man wea hemi lukaftarem olketa gudfala samting blong hem. Bat bae hemi torowem olketa enemi blong yu olsem man hemi slingim ston.