Sams 66:15 - Pijin Bible

¹⁵ Bae mi bonem olketa smolfala sipsip wea i fat fogud antap long olta blong yu. An bae mi bonem olketa sipsip, mekem smok blong olketa hemi goap long yu. Ya, bae mi bonem olketa buluka an olketa nanigot fo mekem sakrifaes go long yu.

Pijin Deuterocanon

¹⁵ Bae mi bonem olketa smolfala sipsip wea i fat fogud antap long olta blong yu. An bae mi bonem olketa sipsip, mekem smok blong olketa hemi goap long yu. Ya, bae mi bonem olketa buluka an olketa nanigot fo mekem sakrifaes go long yu.

Sams 66:15 Iomraidhean Croise

2 Samuel 6:13

Taem olketa man wea i karim Tambu Boks i jes stat fo wakabaot, king hemi stopem olketa fo weit fastaem. Den hemi kilim dae wanfala man buluka wetem wanfala smolfala fat buluka, fo mekem sakrifaes go long Yawe.

Esra 8:35

Nao mifala evriwan hu i kambaek from Babilonia, mifala tekem kam olketa animol blong mifala fo mekem sakrifaes long God blong Israel. Fo olketa sakrifaes wea hemi barava bone, mifala tekem tuelfala man buluka fo makem tuelfala laen blong Israel, an naenti-siks man sipsip, an seventi-seven yangfala man sipsip. An mifala tekem tu tuelfala man nanigot fo mekem sakrifaes fo mekem man stret moa long ae blong Yawe. Olketa ya nao mifala sakrifaesim go long Yawe.

Sams 51:19

Nao bae yu jes hapi long olketa sakrifaes wea mifala mekem long stretfala wei, an long olketa ofaring wea mifala i bonem go long yu. An bae mifala i gohed nao fo bonem olketa man buluka antap long olta blong yu. (Singsing blong Deved. Hemi wakem bihaen long taem wea man blong Idom, Doeg, hemi go talem long Sol wea Deved hemi go finis long haos blong Ahimelek.)

Jeremaea 41:5

eitifala man i kam long Tambuhaos blong Yawe. Olketa man ya i kam from Sekem, an Saelo, an Samaria, an olketa tekem kam olketa ofaring long nambawan wit wetem insens fo mekem wosip long Tambuhaos. Olketa bin sevem olketa biad blong olketa, an brekem olketa kaleko blong olketa, an katem bodi blong olketa, fo somaot dat olketa sore tumas.

Nambas 6:14

Long dea hemi mas ofarem kam wanfala man sipsip wea hemi kasem wan yia an hemi no garem enisamting rong long bodi blong hem. Disfala sipsip hemi fo sakrifaes wea hemi barava bone. An hemi mas ofarem tu wanfala mere sipsip wea hemi kasem wan yia an hemi no garem enisamting rong long bodi blong hem. Disfala sipsip hemi fo sakrifaes fo mekem hem stret moa long ae blong mi. An hemi mas ofarem tu wanfala man sipsip wea hemi no garem enisamting rong long bodi blong hem. Disfala man sipsip hemi blong sakrifaes fo somaot dat hemi stapgud wetem mi.