Sams 65:8 - Pijin Bible

⁸ Evriwan long evri ples long wol, olketa seke long olketa bikfala samting wea yu bin duim, Olketa samting wea yu bin duim, hemi mekem evriwan i hapi an singaot fo preisim yu. Hemi stat long wanfala saet long wol go-go kasem long narasaet.

Pijin Deuterocanon

⁸ Evriwan long evri ples long wol, olketa seke long olketa bikfala samting wea yu bin duim, Olketa samting wea yu bin duim, hemi mekem evriwan i hapi an singaot fo preisim yu. Hemi stat long wanfala saet long wol go-go kasem long narasaet.

Sams 65:8 Iomraidhean Croise

Jenesis 8:22

“Distaem, long wol ya, hemi garem taem fo plantem gaden, an hemi garem taem fo tekemaot frut long hem. Hemi garem taem fo tukol, an hemi garem taem fo tuhot. Hemi garem taem wea lif hemi foldaon, an hemi garem taem wea lif hemi grou moa. Hemi garem taem blong de, an hemi garem taem blong naet. An olketa samting ya, bae olketa no save finis, go-go kasem en blong wol.”

Stori abaotem Job 38:12

?Waswe, yu bin talem delaet fo kamap enitaem long laef blong yu? ?Waswe, hemi herem yu?

Sams 107:29

Hemi stopem strong win ya, an hemi mekem si ya fo kuaet moa.

Sams 126:2

Long taem ya, yumi la-laf an singsing, bikos yumi barava hapi tumas, an olketa pipol long olketa narafala kantri i tok olsem long taem ya, “Yawe nao hemi duim olketa bikfala samting fo helpem olketa.”

Sams 135:9

Hemi mekem olketa mirakol an olketa bikfala samting tu fo hapen long ples ya, fo panisim king blong olketa an evri bikman blong hem.

Sams 136:8

Hemi mekem san fo saen long de. Ya, bikos hemi tinghevi long yumi olowe.

Sams 148:3

!Preisim hem, yutufala san an mun! !Preisim hem, yufala olketa sta!

Sams 19:5

An san ya hemi gohed fo kamap long moning, hemi kamaot olsem wanfala man wea hemi redi fo marit, an hemi olsem wanfala man fo resis wea hemi hapi tumas fo ran.

Sams 2:8

Yu save askem mi, mekem mi givim yu olketa narafala kantri, wetem olketa pipol long wol ya fo yu onam.

Sams 65:13

Ya, olketa hil i fulap fogud long olketa sipsip, an olketa gaden long olketa vali i fulap fogud tu long kaikai. Evrisamting long evri ples, i gohed fo singaot, olketa gohed fo singsing bikos olketa hapi tumas.

Sams 66:3

Yumi mas tok olsem long God, “Olketa samting wea yu duim i barava nambawan fogud. Ya, paoa blong yu hemi bikfala tumas, wea hemi mekem olketa enemi blong yu i fraet fogud, so olketa ya i baodaon long yu.

Sams 74:16

Yu nao yu mekem de an naet, an yu putum san an mun long barava ples blong tufala.

Sams 89:10

Yu bin spoelem an kilim dae disfala bikfala snek long solwata wea olketa kolem Rehab. Ya, yu bin winim olketa enemi blong yu long bikfala paoa blong yu.

Aesaea 17:13

Bat nomata olketa ya i ran kam kuiktaem long yumi olsem bikfala solwata wea hemi brek kam long sanbis, taem Yawe hemi tok long olketa, bae olketa evriwan i taneraon an ranawe. Hemi ronemaot olketa an olketa i olsem wea olketa flae nomoa olsem asis long saet long hil, o olsem drae lif wea bikfala win hemi karim go.

Diutronomi 4:19

Yufala mas keakea nogud samfala man laea long yufala, an pulum yufala fo baodaon an wosipim olketa samting wea yufala lukim long skae, olsem san, an mun, an sta. Yawe hemi givim olketa samting ya olsem blesing long olketa evri pipol.

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.