Sams 64:7 - Pijin Bible

⁷ Bae God hemi panisim olketa kuiktaem nomoa. Ya, hemi olsem wea hemi sutim olketa long olketa aro blong hem, an seknomoa olketa garekil nao.

Pijin Deuterocanon

⁷ Bae God hemi panisim olketa kuiktaem nomoa. Ya, hemi olsem wea hemi sutim olketa long olketa aro blong hem, an seknomoa olketa garekil nao.

Sams 64:7 Iomraidhean Croise

1 Kings 22:34

Bat wanfala soldia blong Siria hemi gohed fo sut olobaot long bou blong hem, an hemi sutim King Ehab. Aro ya hemi gotru long joen blong spesol kaleko fo stopem aro. So king ya hemi tok olsem long draeva blong kaat fo faet blong hem, “Mi garekil nao. !Yu tanemraon kaat ya, mekem yumi goaot from faet!”

Stori abaotem Job 6:4

God hu hemi garem evri paoa hemi mekem mi fo safa olsem man wea olketa sutim hem long olketa poesen aro. Poesen blong aro ya hemi go insaet long laef blong mi. Mi fraetem tumas an safa nao long olketa nogud trabol wea God hemi sendem agensim mi.

Sams 18:14

Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Sams 64:4

Olketa haed fo sutim olketa gudfala pipol long olketa laea toktok blong olketa. Ya, olketa nating fraet nomoa fo spoelem olketa gudfala pipol long olketa ravis toktok blong olketa.

Sams 73:19

Bae yu spoelem olketa kuiktaem nomoa, an bae dae blong olketa hemi nogud tumas.

Provebs 29:1

Man hemi gohed fo bikhed nomata olketa tokstrong long hem plande taem, seknomoa, bae hem bagarap, an no enisamting save sevem hem.

Provebs 6:15

So seknomoa, trabol bae kasem olketa, an bae olketa dae from.

Eklesiastes 9:3

Olketa evriwan bae dae nomoa. Hem nao wanfala ravis samting wea hemi hapen long disfala wol. Taem olketa pipol i laef, haat blong olketa hemi fulap nomoa long olketa ravis tingting an olketa krangge wei. Bihaen, olketa go nao long ples blong olketa man dae.

Aesaea 30:13

Dastawe nao disfala wei blong sin bae hemi kamap olsem wanfala bikfala wolston wea yufala tingse hemi save mekem yufala sef, bat hemi garem bikfala hol long hem an hemi redi nao fo foldaon. No longtaem nomoa bae hemi foldaon nao an hemi brek finis.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Matiu 24:40

Long taem ya, bae tufala man i waka tugeta long gaden, an bae olketa tekem go wanfala bat narawan bae hemi stap nomoa bihaen.

Diutronomi 32:23

Bae mi mekem yufala fo garem olketa bikfala trabol. Bae olketa trabol hemi kam long yufala olsem mi sutim aro blong mi long yufala.

Diutronomi 32:42

Olketa aro blong mi bae olketa suim long blad blong olketa. Naef fo faet blong mi bae hemi kaikaim bodi blong olketa, an bae hemi kilim olketa man long prisin dae, an katemaot hed blong olketa bikman blong enemi.’