Sams 64:5 - Pijin Bible

⁵ Olketa ya i strongim tingting blong olketa seleva long olketa ravis plan blong olketa. Olketa planem olketa ples wea bae olketa mekem olketa trap blong olketa ya, an olketa tingse no eniwan hemi luksave long olketa, taem olketa mekem olketa trap ya.

Pijin Deuterocanon

⁵ Olketa ya i strongim tingting blong olketa seleva long olketa ravis plan blong olketa. Olketa planem olketa ples wea bae olketa mekem olketa trap blong olketa ya, an olketa tingse no eniwan hemi luksave long olketa, taem olketa mekem olketa trap ya.

Sams 64:5 Iomraidhean Croise

Jenesis 20:13

So taem God hemi kolem mi fo goaot from kantri blong dadi blong mi fo go long olketa narafala kantri, mi tok olsem long waef blong mi, ‘Sapos yumi go stap wetem olketa narafala pipol, hemi gud fo yu talemaot olsem mi nao brata blong yu. Long wei ya, bae yu somaot dat yu laekem mi tumas.’”

Stori abaotem Job 22:13

Bat yu gohed fo tok nomoa olsem, “God hemi no save long enisamting ya. Olketa klaod wea i tudak i satem hem, so hemi no save jajem yumi.”

Sams 10:11

Olketa nogud pipol ya i gohed fo tingting seleva an tok olsem, “!God hemi no wari nao ya! !Hemi satem finis ae blong hem! !An bae hemi no save lukim mifala!”

Sams 124:7

Yumi bin fri olsem wanfala bed wea hemi ranawe from trap wea hemi brek.

Sams 140:5

Olketa praod pipol ya i planem finis fo kasholem mi. Ya, olketa redi finis fo kasholem mi, olsem olketa man i redim net fo kasem fis.

Sams 59:7

Olketa raf toktok i ka-kamaot from maos blong olketa, an olketa gohed nomoa fo tokspoelem mi. Toktok blong olketa hemi olsem olketa sap naef fo faet wea hemi save katem man. an olketa tingse no eniwan nao bae hemi save herem olketa.

Sams 94:7

Olketa ya i tok olsem, “Yawe nao hemi God blong olketa pipol long Israel, bat hemi no save long wei blong yumi. Ya, hemi nating warim nomoa wanem yumi duim.”

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Aesaea 41:6

an olketa gohed fo helpem olketa evriwan fo strongim tingting blong olketa evriwan.

Esikiel 8:12

Nao Yawe hemi tok olsem long mi, “Man blong graon. ?Waswe, yu lukim nao disfala samting wea olketa lida blong Israel ya i gohed fo duim haed? Olketa evriwan i gohed fo haed insaet long tambuples blong hem from olketa pipol, fo wosipim olketa kaving god blong hem. Olketa tok olsem, ‘Yawe hemi no save lukim yumi ya. Hemi lusim finis disfala lan blong yumi.’ ”

Nambas 22:6

Yu mas kam helpem mi. Olketa ya i strong tumas an mi no save winim olketa, so yu mas singaotem toktok fo mekem trabol hemi kasem olketa. Sapos yu mekem olsem ating bae mi save raosim olketa. Mi save dat taem yu blesim eniwan, olketa i hapi, an taem yu singaotem toktok fo mekem trabol fo kasem olketa, trabol mas kasem olketa.”

Matiu 23:15

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save hadwaka tumas fo goraon long evri ples long solwata an long bus, mekem yufala save faendem wanfala man moa wea hemi laek fo kamap Jiu. An taem man ya hemi kamap Jiu finis, yufala save mekem hem barava fitim fo go long hel nao olsem yufala, an bae hemi barava nogud moa winim yufala ya.

Revelesin 11:10

An taem olketa pipol long wol, olketa herem dat tufala profet ya dae finis, bae olketa barava hapi fogud. Bae olketa mekem fist an gohed fo givim olketa presen long olketa seleva. Bikos tufala profet ya i bin mekem plande pipol long wol fo barava safa tumas.

Jajis 20:22

Oraet, ami blong Israel hemi filnogud tumas an gobaek long tambuples, an olketa go krae long Yawe go-go san hemi godaon. Olketa askem hem olsem, “?Waswe, bae mifala gobaek moa fo faet agensim olketa wantok blong mifala, o nomoa?” An Yawe hemi ansarem olketa olsem, “Ya, yufala mas gobaek.” Toktok ya hemi mekem tingting blong olketa fo kamap strong moa. Long neks de, olketa gobaek moa long Gibea an go stanap long sem ples wea olketa bin stap long hem fastaem fo faet.