Sams 62:4 - Pijin Bible

⁴ Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Pijin Deuterocanon

⁴ Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Sams 62:4 Iomraidhean Croise

Sams 119:163

Mi barava heitem tumas evri wei fo laea, bat mi laekem tumas olketa gudfala tising blong yu.

Sams 28:3

Taem yu panisim olketa nogud pipol ya, plis yu no makem mi wetem olketa. Olketa ya i gohed fo talem olketa gudfala toktok long narafala pipol, bat long tingting blong olketa, olketa barava heitem olketa ya fogud.

Sams 5:9

Olketa enemi blong mi i nating save talem eni tru samting; olketa laekem nomoa fo spoelem evrisamting. Olketa suit toktok blong olketa i save kilim man dae.

Sams 51:6

Bat yu laekem tumas fo man hemi barava toktru olowe. Plis yu fulumapem maen blong mi long waes blong yu.

Sams 52:3

Yu laekem tumas olketa ravis wei winim olketa gudfala wei, an yu laekem tumas olketa laea toktok winim olketa tru toktok.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Provebs 13:5

Stretfala pipol i les long kon, konman i mekem man fo sem.

Aesaea 30:13

Dastawe nao disfala wei blong sin bae hemi kamap olsem wanfala bikfala wolston wea yufala tingse hemi save mekem yufala sef, bat hemi garem bikfala hol long hem an hemi redi nao fo foldaon. No longtaem nomoa bae hemi foldaon nao an hemi brek finis.

Hosia 7:3

Yawe hemi gohed fo tok olsem, “King wetem evri bikman blong hem i hapi tumas fo lukim olketa ravis samting wea olketa pipol i duim, an fo herem olketa laea wea olketa talem.

Matiu 2:16

Taem Herod hemi save dat olketa man blong ist ya olketa bin trikim hem, hemi barava kros fogud nao. So hemi sendem olketa soldia blong hem fo go long Betlehem an long olketa nara ples long eria ya moa, an olketa kilim dae evri pikinini boe hu olketa kasem tufala yia nomoa an olketa smolwan go moa. Herod hemi duim olsem, bikos hemi falom disfala taem wea olketa man blong ist ya olketa talem olketa bin lukim sta long hem fastaem ya.

Matiu 22:15

Nao taem olketa Farasi olketa lusim disfala Tambuhaos ya, olketa tokabaotem wei fo askem samfala kuestin fo trikim Jisas.

Matiu 22:23

Long sem de tu, samfala Sadiusi wea olketa talem dat man hemi no save laefbaek moa, olketa kam long Jisas. Nao olketa askem hem olsem,

Matiu 27:1

Nao long eli moning yet, olketa hedprist an olketa nara bikman olketa miting fo mekem wanfala plan fo kilim Jisas dae.

Gudnius abaotem Jisas Kraes wea Luk hemi raetem 11:39

Nao Masta hemi tok olsem long hem, “Yufala olketa Farasi ya, yufala save wari tumas fo klinim aotsaet long kap an plet, bat insaet long yufala hemi fulap long tingting fo laekem enikaen samting fo yufala seleva, an hemi fulap long enikaen ravis tingting moa.

Gudnius abaotem Jisas Kraes wea Luk hemi raetem 20:20

Nao olketa lida olketa gohed fo faendemaot gudfala wei fo kasholem Jisas. So olketa peim samfala man fo laea fo go an askem samfala kuestin fo trikim hem, bikos olketa laekem hem fo talem samting wea hemi no stret, mekem olketa save givim hem go long paoa blong Primia long provins ya.

Gudnius abaotem Jisas Kraes wea Jon hemi raetem 8:44

Seitan nao hemi dadi blong yufala ya an yufala laek fo duim wanem disfala dadi blong yufala hemi laekem. Olowe nomoa, Seitan hemi save kilim man dae ya, an hemi nating laekem wanem hemi tru bikos hemi nating garem enisamting wea hemi tru long hem. Taem hemi laea long eniwan, hemi barava falom wei blong hem seleva nao ya, bikos hemi man fo laea an hemi barava dadi blong evri laea nao.

Leta wea Pol hemi raetem go long sios long Rom 1:32

Olketa save finis wea stretfala toktok blong God hemi sei olketa pipol hu i duim olketa samting olsem, hemi fit fo olketa dae nomoa. Bat nomata olsem, olketa gohed nomoa fo duim olketa samting ya, an olketa hapi tu long olketa nara pipol hu i duim semsamting.

Leta wea Pol hemi raetem go long sios long Rom 7:22

Barava insaet long tingting blong mi, mi hapi long Lo blong God nomoa.

Revelesin 22:15

Bat olketa nara pipol moa olketa no save go insaet. Hem nao olketa hu i falom olketa ravis wei, an olketa hu i gohed fo mekem majik, an olketa hu i durong wetem eniwan, an olketa hu i kilim man dae, an olketa hu i gohed fo wosipim olketa narafala god, an olketa hu i save laea tumas long toktok an long laef blong olketa.