Sams 61:2 - Pijin Bible

² Mi stap farawe tumas from ples blong mi, an tingting blong mi hemi wikdaon nao, hem nao mi kol go long yu. Plis yu tekem mi go long wanfala strongfala sefples,

Pijin Deuterocanon

² Mi stap farawe tumas from ples blong mi, an tingting blong mi hemi wikdaon nao, hem nao mi kol go long yu. Plis yu tekem mi go long wanfala strongfala sefples,

Sams 61:2 Iomraidhean Croise

Sams 142:3

Taem tingting blong mi hemi wikdaon, yu save nomoa long wei fo mi kamap strong moa. Olketa enemi i plan finis fo spoelem laef blong mi.

Sams 143:4

Hem nao mi barava kolsap fo givap, an kolsap fo mi lusim tu evri gudfala tingting blong mi.

Sams 17:1

Lod Yawe, plis yu herem kam krae blong mi, wea mi krae kam long yu fo yu stretem olketa trabol blong mi. Plis yu herem kam prea blong mi, bikos mi no save laea.

Sams 18:2

Yawe hemi God blong mi. Hem nao hemi sef ples blong mi, an hemi gohed fo lukaftarem mi. Hemi gohed fo gadem mi, an hemi strongfala sef ples blong mi. Hemi olsem sil wea hemi stopem aro fo no kasem mi, an hemi garem paoa fo kipim mi sef, an mi save stap gudfala.

Sams 18:46

!Lod Yawe, mifala save dat yu nao yu God hu hemi laef olowe! !Oltaem, yu gohed fo lukaftarem mi! !Mi preisim yu, bikos yu gohed fo gadem mi! !Mi gohed fo liftimap bikfala nem blong yu bikos yu gohed fo sevem mi!

Sams 27:5

Long taem blong trabol bae hemi lukaftarem mi gudfala. Bae hemi haedem mi tu insaet long Tambu Haostent blong hem. An bae hemi mekem mi stap gudfala antap long wanfala bikfala ston wea i barava hae fogud.

Sams 40:2

Hemi bin pulum mi aot from hol wea hemi barava nogud tumas, an hemi tekem mi aot from suam wea hemi fulap long mad. Hemi mekem mi stanap antap long wanfala bikfala ston, nao mi stap gudfala long sefples wea hemi strong.

Sams 42:6

Long hia, long narafala kantri, mi barava sore fogud, so mi mas tingim yu moa. Yu bin sendem kam trabol long laef blong mi olsem olketa bikfala wev long solwata. Olketa bikfala trabol ya i kasem mi olsem wata wea hemi ran bikfala an hemi draonem mi nao. Olketa trabol ya i kasem mi olsem olketa bikfala watafol wea hemi kamdaon from tufala maonten long Hemon an long Misa, wea hemi meknoes olsem tanda, an godaon long Jodan Riva.

Sams 43:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi. (Singsing blong olketa long laen blong Kora.)

Sams 55:5

Mi fraet tumas go-go mi seksek fogud nao, an disfala fraet ya hemi barava bikfala ovarem mi nao.

Sams 62:2

Hem nomoa hemi save gadem mi, an save sevem mi. Hemi strongfala sef ples blong mi fo haed, an olketa enemi bae i nating save winim mi.

Sams 62:6

Hem nomoa hemi gadem mi, an hemi sevem mi. Hemi strongfala sefples blong mi fo haed, an olketa enemi bae i nating save winim mi.

Sams 77:3

Taem mi tingting long God mi krae. an tingting blong mi hemi barava wikdaon nao.

Aesaea 32:2

Bae olketa ya i olsem wanfala strongfala sefples fo haed long hem from win an ren. Ya, bae olketa i olsem olketa springwata long drae eria, an bae olketa i olsem tu sado blong wanfala bikfala ston fo haed long hem from hot san.

Aesaea 54:11

Yawe hemi tok moa olsem, “!Olketa pipol blong Jerusalem! Distaem yufala gohed fo safa tumas, an plande trabol nomoa hemi kasem yufala. An no eniwan nao hemi helpem yufala fo filgud moa. Bae mi mekem yufala fo kamap gud moa, olsem wea mi bildimbaek moa faondesin long taon blong yufala long olketa nambawan blu ston.

Gudnius abaotem Jisas Kraes wea Luk hemi raetem 22:44

An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Diutronomi 4:29

Bat long olketa narafala ples olsem, bae yufala save lukaotem Yawe, God blong yufala. An sapos yufala yusim evri tingting blong yufala an evri save blong yufala fo lukaotem hem, oraet bae yufala save faendem hem.