Sams 60:6 - Pijin Bible

⁶ God hemi stap long Tambuhaos blong hem, hemi tok olsem, “Taem mi win, bae mi divaedem lan ya long Sekem go long olketa pipol blong mi, an bae mi makem olketa haf long vali long Sukot fo givim gobaek long olketa.

Pijin Deuterocanon

⁶ God hemi stap long Tambuhaos blong hem, hemi tok olsem, “Taem mi win, bae mi divaedem lan ya long Sekem go long olketa pipol blong mi, an bae mi makem olketa haf long vali long Sukot fo givim gobaek long olketa.

Sams 60:6 Iomraidhean Croise

Jenesis 12:6

olketa wakabaot go long Sekem. Nao olketa go kasem wanfala bikfala olfala tri wea hemi stap long wanfala tambuples wea olketa kolem More. Long taem ya, olketa laen blong Kenan olketa stap yet long ples ya.

2 Samuel 3:18

Distaem hemi taem blong yufala. Yawe hemi bin promis long Deved olsem, ‘Bae mi yusim Deved, wakaman blong mi, fo hemi sevem pipol blong mi long Israel. Bae hemi tekemaot olketa from paoa blong olketa blong Filistia, an from paoa blong evri narafala enemi.’ ”

Sams 119:162

Mi hapi tumas long olketa tru toktok blong yu. Ya, mi hapi tumas, olsem man hu hemi tekem plande gudfala samting taem hemi winim faet.

Sams 132:11

Yu bin mekem wanfala strongfala promis long Deved wea yu no save brekem. Ya, yu bin promis olsem, “Bae mi mekem wanfala long olketa san blong yu fo kamap king, an bae hemi rul bihaen long yu.

Sams 56:4

Mi trastem Yawe, hem nao mi no fraet. Mi preisim hem from olketa promis blong hem. No eniwan save duim enisamting long mi.

Sams 89:19

Longtaem bifoa, yu bin kam long olketa pipol hu i tinghevi long yu, an yu bin tok olsem long olketa long wanfala spesol drim, “Mi bin helpem wanfala soldia hu hemi garem biknem. An mi bin mekem wanfala long olketa pipol ya fo kamap king.

Sams 89:35

Mi bin promis finis long holi nem blong mi, wea bae mi no save laea long Deved.

Jeremaea 23:9

(Profet) Ooo. Taem mi tingabaotem olketa profet, mi filim bikfala sore insaet long haat blong mi. Yawe an tambu toktok blong hem, hemi mekem wea evri bon blong mi hemi seksek, an hemi olsem mi fuldrang long waen an no save stanap.

Emos 4:2

Lod Yawe hemi barava holi, an hemi promis finis olsem, ?Wanfala de, olketa enemi bae i kam an hukum yufala long olketa huk, an pulum yufala goaot olsem fis.

Josua 1:6

“Yu mas stanap strong olowe, an yu mas no fraet, bikos yu nao bae yu lidim olketa pipol ya fo go insaet long lan wea mi bin promisim finis long olketa grani blong yufala bifoa, wea bae mi givim long yufala.

Josua 13:27

Long Jodan Vali, lan ya hemi go-go kasem olketa taon long Bet-Haran, an long Bet-Nimra, an long Sukot, an long Safon, an evri eria wea Paramaon Sif Sihon blong Hesbon hemi rul ovarem. Spialaen blong olketa lan ya long saet long west nao hemi stat long Jodan Riva go-go kasem Leik Galili long not.

Josua 17:7

Eria blong olketa long traeb blong Manase hemi stat long Asa go-go kasem taon long Mikmetat wea hemi stap long ist saet blong Sekem. Spialaen ya hemi go kasem springwata ya kolsap long taon long Tapua, an lan blong olketa hemi stap insaet long datfala eria.

Josua 20:7

So olketa pipol blong Israel i siusim trifala taon fo haed long west saet long Jodan Riva. Nem blong olketa nao Kedes long Galili wea hemi stap long olketa hil long eria blong Naftali, an Sekem wea hemi stap long olketa hil long eria blong Efrem, an Hebron wea hemi stap long olketa hil long distrik blong Jiuda.

Josua 24:1

Josua hemi talem evri traeb blong Israel fo hipap kam long taon long Sekem. Taem olketa kasem ples ya, hemi kolem olketa bikman blong olketa, an olketa lida, an olketa sif, an olketa komanda fo kam an stanap frant long Tambu Haostent blong God.

Josua 24:32

Taem olketa olo blong olketa i kamaot from Ijip, olketa karim olketa bon blong Josef hu hemi wanfala olo grani blong olketa bifoa, an olketa berem olketa bon blong hem long Sekem. Olketa berem long wanfala pisgraon wea dadi blong hem Jekob bin peimaot fo 100 silva seleni bifoa kam from laen blong Hamoa hu hemi wakem taon long Sekem. Pisgraon ya hemi kamap pat long lan wea traeb blong Josef nao i onam.