Sams 60:10 - Pijin Bible

¹⁰ ?Waswe, hemi tru wea yu lusim mifala finis? ?Waswe, hemi tru wea bae yu no go wetem olketa soldia blong mifala fo faet?

Pijin Deuterocanon

¹⁰ ?Waswe, hemi tru wea yu lusim mifala finis? ?Waswe, hemi tru wea bae yu no go wetem olketa soldia blong mifala fo faet?

Sams 60:10 Iomraidhean Croise

2 Samuel 8:2

Nao Deved hemi go faetem pipol blong Moab, an hemi winim olketa. Den hemi tekem olketa soldia blong Moab, an hemi mekem olketa fo leidaon long graon. Hemi yusim wanfala rop fo makem hu nao long olketa hemi mas dae. Long evri trifala man, hemi kilim tufala man dae, an hemi letem wanfala laef. Bihaen long taem ya, olketa blong Moab i stap andanit long paoa blong hem, an olketa gohed fo peim taks long hem.

2 Samuel 8:6

Den Deved hemi putum samfala seksin blong ami blong hem fo stap long Damaskas. So olketa long Aram i kam andanit long paoa blong hem, an olketa gohed fo peim taks long hem. Nao long evri ples wea Deved hemi go faet long hem, Yawe hemi mekem hem win.

Sams 108:11

?Waswe, hemi tru wea yu lusim mifala finis? ?Waswe, hemi tru wea bae yu no go wetem olketa soldia blong mifala fo faet?

Sams 20:7

Samfala pipol i gohed fo trastem ami blong olketa, an samfala pipol moa i gohed fo trastem olketa samting fo faet, bat yumi ya, yumi trastem nomoa Yawe hu hemi God blong yumi.

Sams 60:1

God, yu les finis long mifala, an yu bin mekem mifala fo lus long faet. Bifoa, yu bin kros long mifala, bat distaem, plis yu kambaek moa long mifala.

Aesaea 8:17

Distaem Yawe hemi haedem finis fes blong hem from yumi olketa laen blong Jekob, bat nomata olsem, bae mi weitem hem. Ya, bae mi barava dipen long hem.

Diutronomi 1:42

“Bat Yawe hemi tok olsem long mi, ‘Mosis, yu mas toktok strong long olketa, an yu mas stopem olketa mekem olketa no go faet, bikos bae mi no stap wetem olketa, an olketa enemi blong olketa bae i winim olketa.’

Diutronomi 20:4

Yawe, God blong yufala, bae hemi go wetem yufala fo faet agensim olketa enemi, an hem nao bae hemi mekem yufala fo winim faet ya.’

Josua 10:42

Long datfala taem, Josua hemi winim evri paramaon sif wetem evri lan blong olketa, bikos Yawe hu hemi God blong olketa nao hemi helpem olketa long faet.

Josua 7:12

From samting ya nao, yufala no save winim olketa enemi blong yufala. Yufala ranawe from olketa, bikos yufala seleva nao i mekem panis ya fo kasem yufala. So yufala evriwan nao mas dae. Sapos yufala no barava bonem olketa samting wea yufala stilim, bae mi no save helpem yufala moa.