Sams 6:9 - Pijin Bible

⁹ Hemi herem finis taem mi krae go long hem fo hemi helpem mi, an bae hemi ansarem kam prea blong mi.

Pijin Deuterocanon

⁹ Hemi herem finis taem mi krae go long hem fo hemi helpem mi, an bae hemi ansarem kam prea blong mi.

Sams 6:9 Iomraidhean Croise

Sams 118:5

Taem mi stap long trabol, mi kol go long hem, nao hemi herem kol blong mi an hemi mekem mi fri from olketa trabol ya.

Sams 120:1

Taem mi stap long trabol, mi kol go long Yawe, an hemi ansarem mi.

Sams 138:3

Taem mi kol kam long yu, yu herem mi, an yu mekem mi strong moa long paoa blong yu.

Sams 3:4

Mi krae kam long yu mekem yu helpem mi. An yu stap kam long holi maonten blong yu, an yu gohed fo ansarem mi.

Sams 31:22

Mi fraet fogud, bikos mi tingse yu bin ronem mi aot finis from yu. Bat yu herem nomoa taem mi krae kam long yu fo yu helpem mi.

Lamentesin 3:56

“!O Yawe, plis yu no satem ia blong yu taem mi krae go long yu!” An yu lisin kam long mi.

Jona 2:2

“Yawe, taem trabol hemi kasem mi, mi singaot go long yu, an yu lisin kam long mi an yu ansarem mi. From bele blong Grev mi kraeaot long yu, an yu herem voes blong mi.

Jona 2:7

O Yawe, mi tingim yu long disfala taem wea mi kolsap dae. Prea blong mi hemi kasem yu long Tambuhaos blong yu.