Sams 6:1 - Pijin Bible

¹ Lod Yawe, taem yu kros, plis no tokstrong kam long mi. Nomata yu kros tumas long mi, plis no panisim mi.

Pijin Deuterocanon

¹ Lod Yawe, taem yu kros, plis no tokstrong kam long mi. Nomata yu kros tumas long mi, plis no panisim mi.

Sams 6:1 Iomraidhean Croise

Sams 118:18

Hemi barava panisim mi, bat hemi no letem mi dae.

Sams 12:1

Lod Yawe, plis yu helpem mifala. Bikos distaem no eniwan hu hemi tinghevi long yu hemi stap, an mifala no save faendem eni stretfala pipol nao.

Sams 2:5

Hemi kros an hemi toktok strong long olketa olsem, “!Yufala lukaot ya!” An bikos hemi kros olsem, olketa fraet fogud an seksek nao.

Sams 38:1

Lod Yawe, taem yu kros, plis yu no tokstrong long mi. Ya, taem yu kros tumas, plis yu no panisim mi.

Sams 4:1

God, oltaem yu gohed fo saet wetem mi, so plis yu ansarem prea blong mi. Taem wea mi stap long trabol, yu bin gohed fo helpem mi. Nao plis yu kaen long mi, an herem kam prea blong mi.

Aesaea 54:9

“Long datfala taem blong Noa, mi bin mekem wanfala strongfala promis wea bae mi no draonem moa disfala wol long wata. Long sem wei tu, mi promis distaem fo no barava kros moa long yufala olsem. Ya, bae mi no hatem yufala tumas olsem, an bae mi no panisim yufala tumas olsem.

Aesaea 57:16

Bae mi no save agensim yufala o kros long yufala, bikos sapos mi gohed fo duim olsem, bae yufala kamap wik. Ya, yufala wea mi bin givim laef long yufala, bae i dae.

Jeremaea 10:24

Plis yu stretem laef blong mi, bat duim long stretfala wei nomoa. Sapos yu stretem mi long kros blong yu, bae mi kamap samting nating nomoa.

Jeremaea 46:28

Mi stap wetem yufala, an bae mi sevem yufala. Nomata mi spoelem finis, olketa kantri wea mi fosim yufala fo go stap long hem, bat bae mi no spoelem yufala. Bae mi panisim yufala fitim wei wea yufala bin sin agensim mi, bat bae mi no mekem yufala safa tumas.” Hem nao mesij blong Yawe.