Sams 59:7 - Pijin Bible

⁷ Olketa raf toktok i ka-kamaot from maos blong olketa, an olketa gohed nomoa fo tokspoelem mi. Toktok blong olketa hemi olsem olketa sap naef fo faet wea hemi save katem man. an olketa tingse no eniwan nao bae hemi save herem olketa.

Pijin Deuterocanon

⁷ Olketa raf toktok i ka-kamaot from maos blong olketa, an olketa gohed nomoa fo tokspoelem mi. Toktok blong olketa hemi olsem olketa sap naef fo faet wea hemi save katem man. an olketa tingse no eniwan nao bae hemi save herem olketa.

Sams 59:7 Iomraidhean Croise

Sams 10:11

Olketa nogud pipol ya i gohed fo tingting seleva an tok olsem, “!God hemi no wari nao ya! !Hemi satem finis ae blong hem! !An bae hemi no save lukim mifala!”

Sams 10:13

?Waswe nao yu gohed fo letem olketa nogud pipol ya fo heitem yu nomoa? ?Waswe nao olketa gohed fo tok nomoa olsem, “Bae God hemi no save panisim mifala ya?”

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Sams 57:4

Olketa enemi blong mi i raonem mi, olketa ya i olsem olketa laeon wea i gohed fo kaikaim man. Ya, tit blong olketa i olsem olketa spia an aro, an tang blong olketa hemi olsem naef fo faet wea i barava sap fogud.

Sams 73:11

Olketa nogud pipol ya i tok olsem, “!God hu hemi hae tumas, hemi no save ya! !Hemi no save faendemaot diswan ya!”

Sams 94:4

Olketa ya i gohed fo brekem lo. ?Fo hao long nao bae olketa gohed fo praod nomoa long olketa ravis wei blong olketa?

Provebs 12:18

Nogud toktok kat olsem sap naef, waes toktok mekem man helti.

Provebs 15:2

Toktok blong waes man, hemi givimaot save. Toktok blong krangge man, hemi givimaot nating.

Provebs 15:28

Gudfala man hemi tingting gud fastaem, bihaen hemi tok. Ravis man hemi toraotem ravis toktok nomoa.

Jeremaea 33:24

“?Waswe, yu herem olketa toktok wea pipol blong olketa narafala kantri i gohed fo talem? Olketa tok olsem, ‘Fastaem Yawe hemi siusimaot olketa blong Israel an olketa blong Jiuda fo kamap spesol pipol blong hem. Bat distaem, hemi les long olketa finis.’ So olketa lukdaonem olketa pipol blong mi, an olketa no save tingting wea yufala i wanfala pipol nomoa.

Lamentesin 3:62

Olketa gohed fo tokagensim mi, stat long moning go-go kasem tudak.

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.