Sams 58:4 - Pijin Bible

^4-5 Olketa olsem olketa poesen snek. An olketa nating save obeim God olsem olketa snek wea i nating wande herem voes o singsing blong man hu hemi kipim olketa.

Pijin Deuterocanon

^4-5 Olketa olsem olketa poesen snek. An olketa nating save obeim God olsem olketa snek wea i nating wande herem voes o singsing blong man hu hemi kipim olketa.

Sams 58:4 Iomraidhean Croise

Jenesis 3:2

Bat woman ya hemi tok olsem, “Nomoa ya. Mitufala save kaikaim frut blong olketa tri long ples ya,

Jenesis 8:21

God hemi hapi tumas long gudfala smel blong olketa sakrifaes ya, an hemi gohed fo tingting seleva olsem, “Bae mi no spoelem moa wol ya from olketa samting wea olketa man gohed fo mekem, bikos mi save nao hemi olsem, stat long taem wea olketa i smol pikinini nomoa, tingting blong olketa hemi stap finis long olketa samting nogud. Distaem mi spoelem finis olketa man wetem olketa narafala samting wea i garem laef, olketa evriwan i dae finis nao, bat bae mi no save duim moa olsem bihaen, olsem wea mi duim distaem.

Stori abaotem Job 20:14

Nomata olsem, bihaen, diskaen kaikai hemi kamap saoa, an hemi olsem poesen insaet long bele blong hem.

Stori abaotem Job 20:16

Hemi olsem disfala ravis man hemi plei wetem snek. Ya, bae hemi dae long poesen blong snek nao.

Sams 140:3

Maos blong olketa hemi olsem tit blong poesen snek. Ya, olketa ravis toktok blong olketa hemi olsem poesen wea hemi kamaot long maos blong poesen snek.

Sams 51:7

Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Eklesiastes 10:11

Sapos snek hemi baetem man fastaem bifoa hemi save mekem hem stap kuaet, hemi no helpem man hu hemi save kontrolem snek ya.

Aesaea 11:8

Wanfala bebi bae hemi plei nomoa kolsap long hol blong poesen snek. An nomata disfala pikinini hemi putum go han blong hem insaet long hol ya, bat snek ya hemi nating baetem hem nomoa.

Jeremaea 8:17

Yawe hemi tok olsem, “!Lisin kam! Bae mi sendem olketa poesen snek fo kam long yufala, wea no eniwan save trikim mekem olketa stap kuaet. An bae olketa baetem yufala.” Hem nao mesij blong Yawe.

Matiu 23:33

“!Yufala olsem olketa snek ya! ?Hao nao bae yufala save ranawe from disfala panis blong God, wea hemi putum fo yufala long hel?

Matiu 3:7

Bat taem Jon hemi lukim dat plande long olketa Farasi an olketa Sadiusi olketa kam long hem from olketa tu i wande fo baptaes, hemi sei long olketa nao, “!Yufala olsem olketa snek ya! ?Waswe, yufala tingse sapos yufala baptaes, bae yufala save ranawe from disfala kros blong God wea bae hemi kam ya?

Leta wea Pol hemi raetem go long sios long Rom 3:13

Wanem olketa talem, pipol i save dae long hem, enikaen laea nomoa hemi kam long tang blong olketa, an olketa ravis toktok olsem poesen blong snek hemi kamaot long maos blong olketa.

Diutronomi 32:33

Wei blong olketa i olsem waen wea man hemi wakem long poesen blong snek.

Jemes 3:8

Bat maos nao no eniwan save kontrolem hem, bikos hemi wanfala ravis samting wea no eniwan garem paoa ovarem. Maos hemi olsem poesen tu fo kilim man dae.