Sams 58:11 - Pijin Bible

¹¹ Nao olketa pipol bae i tok olsem, “Hemi tru nao, wea God hemi givim gudfala samting long olketa stretfala pipol ya. An hemi gohed fo jajem evri pipol long wol.” (Singsing blong Deved. Hemi wakem bihaen long taem wea King Sol hemi sendem olketa man blong hem long haos blong Deved fo kilim hem dae.)

Pijin Deuterocanon

¹¹ Nao olketa pipol bae i tok olsem, “Hemi tru nao, wea God hemi givim gudfala samting long olketa stretfala pipol ya. An hemi gohed fo jajem evri pipol long wol.” (Singsing blong Deved. Hemi wakem bihaen long taem wea King Sol hemi sendem olketa man blong hem long haos blong Deved fo kilim hem dae.)

Sams 58:11 Iomraidhean Croise

Sams 107:42

Taem olketa stretfala pipol i lukim olketa samting ya, olketa hapi tumas. Bat taem evri nogud pipol i lukim, an no talem enisamting nao.

Sams 18:20

Yawe hemi gohed fo helpem mi olsem, bikos mi duim olketa stretfala samting. An hemi gohed fo blesim mi, bikos mi no duim eni nogud samting.

Sams 33:18

Yawe hemi gohed fo lukaftarem olketa wea i tinghae long hem. Ya, hemi gohed fo lukaftarem olketa hu i trastem hem bikos hemi tinghevi long olketa olowe.

Sams 52:8

Bat mi ya, mi olsem wanfala oliv tri wea hemi grou an hemi stap sef insaet long Tambuhaos blong God. Oltaem, God hemi lavem tumas olketa pipol, an bae mi trastem yu bikos yu tinghevi long mifala olowe.

Sams 64:9

Olketa evriwan ya bae i fraet, an bae olketa jes save nao wanem God hemi bin duim, an bae olketa tokabaotem olketa samting wea hemi bin duim.

Sams 67:4

Hemi gud tumas sapos olketa pipol blong evri kantri i hapi an singsing, bikos yu jajem evri pipol long stretfala wei, an yu lidim olketa pipol long evri kantri long wol.

Sams 68:24

God, yu nao yu King blong mi, an evriwan i lukim nao dat yu win. An olketa lukim taem yu bikman yu go insaet long Tambuhaos blong yu.

Sams 9:16

Yawe hemi mekem olketa pipol fo save dat hemi jajem olketa pipol long stretfala wei. Bat olketa nogud pipol, olketa ravis wei blong olketa nao i spoelem olketa seleva.

Sams 9:8

Hemi gohed fo rulim wol ya long stretfala wei. An hemi gohed fo jajem olketa pipol long stretfala wei.

Sams 92:15

Evrisamting ya nao hemi som dat wei blong Yawe hemi stret fogud, An hemi som dat God hu hemi gadem mi hemi stret olowe.

Sams 94:2

Yu nao yu jajem evri pipol. So plis yu panisim olketa praod pipol, falom wanem olketa duim rong.

Aesaea 3:10

Yufala talem long olketa pipol hu i falom stretfala wei wea bae Yawe hemi blesim olketa bikos olketa duim olketa gudfala samting.

Malakae 2:17

(Profet) Olketa toktok blong yufala mekem Yawe fo les. Bat yufala gohed fo ask olsem, ??Hao nao olketa toktok blong mifala mekem hem les?? Bikos yufala talem dat Yawe hemi hapi nomoa long man hu hemi duim olketa ravis samting. An yufala gohed fo tok olsem, ??Waswe nao disfala God no jajem pipol long stretfala wei??

Malakae 3:14

Yufala gohed fo talem dat hemi yusles nomoa fo duim waka blong mi Yawe hu mi garem evri paoa. Yufala tingse hemi nating helpem yufala fo obeim olketa lo blong mi an mekem yufala seleva fo luk olsem yufala sore tumas long ae blong mi.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.