Sams 56:7 - Pijin Bible

⁷ God, plis yu kros long olketa, an daonem olketa. Plis yu panisim olketa from olketa ravis wei blong olketa.

Pijin Deuterocanon

⁷ God, plis yu kros long olketa, an daonem olketa. Plis yu panisim olketa from olketa ravis wei blong olketa.

Sams 56:7 Iomraidhean Croise

Sams 36:12

!Lukim ya! Olketa nogud pipol ya i foldaon finis, an olketa gohed fo leidaon an olketa no save getap moa. (Singsing blong Deved.)

Sams 37:32

Oltaem olketa nogud pipol i gohed fo lukaotem gudfala man an trae fo faendem wei fo kilim hem dae.

Sams 55:15

Mi laekem tumas olketa enemi blong mi fo dae bifoa hemi kasem taem blong olketa. Ya, taem olketa laef yet, mi laekem olketa fo go long disfala nogud ples blong olketa pipol wea i dae finis, bikos ravis wei hemi stap finis insaet long laef blong olketa an long tingting blong olketa.

Sams 55:23

God, bae yu torowem olketa hu i kilim man dae an olketa hu i laea, fo go insaet long olketa grev blong olketa seleva, taem olketa yangfala yet. Bat bae mi gohed fo trastem yu nomoa. (Singsing blong Deved. Hemi wakem bihaen long taem wea olketa long Filistia i holem hem long taon long Gat.)

Sams 55:9

Masta, plis yu miksimap tingting blong olketa enemi ya, an mekem toktok blong olketa fo rong olobaot. Mi lukim dat olketa pipol long bikfala taon i gohed fo raoa an faet.

Eklesiastes 8:8

No eniwan hemi save kontrolem win. No eniwan garem paoa fo sensim de wea bae hemi dae. An no eniwan long ami hemi save ranawe from faet. Long sem wei, ravis wei hemi no save helpem olketa pipol hu i save tumas long hem.

Aesaea 28:15

Oltaem nomoa yufala talem dat yufala bin mekem agrimen wetem Dae, an yufala mekem tu promis long Grev. Hem nao yufala tingse wea yufala no save dae sapos bikfala trabol hemi kasem yufala, bikos yufala trastem olketa laea toktok an tingse olketa trik blong yufala nao fo kipim yufala sef.

Jeremaea 10:25

Somaot kros blong yu long olketa blong narafala kantri hu i no tinghae long yu, an hu i no save prea kam long yu. Bikos olketa ya i spoelem finis mifala long laen blong Jekob, an olketa spoelem tu disfala lan wea mifala stap long hem.

Jeremaea 7:10

?Waswe, yufala tingse bae mi herem yufala taem yufala kam insaet long disfala Tambuhaos wea evri pipol save hemi blong mi, an sei, ‘!Yumi sef nao!’ bat yufala gohed nomoa fo duim olketa barava ravis samting ya?

Habakuk 1:13

Yu barava holi tumas, an yu nating laek fo luk long olketa ravis samting. ?So hao nao yu save lukim olketa ravis samting wea olketa nogud pipol blong Babilonia i gohed fo duim, bat yu nating duim nomoa enisamting fo stopem? ?Hao nao yu save stap kuaet nomoa taem olketa ravis pipol i spoelem narafala pipol hu i stret lelebet winim olketa?