Sams 55:2 - Pijin Bible

² Yu lisin kam long mi, an yu ansarem mi. Mi wikdaon finis nao, bikos mi wari tumas.

Pijin Deuterocanon

² Yu lisin kam long mi, an yu ansarem mi. Mi wikdaon finis nao, bikos mi wari tumas.

Sams 55:2 Iomraidhean Croise

Sams 17:1

Lod Yawe, plis yu herem kam krae blong mi, wea mi krae kam long yu fo yu stretem olketa trabol blong mi. Plis yu herem kam prea blong mi, bikos mi no save laea.

Sams 32:3

Taem mi no talemaot olketa sin blong mi long yu, mi barava wik fogud, bikos mi gohed fo krae nomoa evri de, go-go kasem tudak. Long de an long naet, yu gohed fo panisim mi. An strong blong mi hemi lus finis nao, olsem wata wea bikfala san hemi hotem an draemap finis. Nao mi tok olsem, “Bae mi talemaot sin blong mi long Yawe.” So mi talemaot olketa sin blong mi long yu, an mi no haedem moa olketa nogud samting wea mi bin duim. Plis yu fogivim mi an tekemaot olketa sin blong mi.

Sams 38:6

Olketa sin blong mi i daonem mi finis long graon nao. So mi gohed fo krae nomoa evri de, stat long moning go-go kasem tudak.

Sams 43:2

God, yu nao yu gad blong mi. ?Waswe nao yu lusim mi? ?Waswe nao mi gohed fo safa from olketa nogud samting wea olketa enemi i duim long mi?

Sams 64:1

God, trabol hemi kasem mi nao, plis yu lisin kam long prea blong mi. Mi fraetem tumas olketa enemi blong mi, plis yu sevem laef blong mi.

Sams 66:19

Bat mi bin talemaot finis long God, an hemi lisin long prea blong mi. Ya, hemi herem olketa toktok blong mi nao, taem mi prea.

Sams 77:3

Taem mi tingting long God mi krae. an tingting blong mi hemi barava wikdaon nao.

Aesaea 38:14

Mi krae an krae. Bat krae blong mi hemi wik nomoa, olsem wik voes blong kurukuru. An taem mi luk goap long heven, ae blong mi hemi kamap soa tu. O Masta. !Plis yu helpem mi! Trabol hemi kasem mi nao.

Aesaea 59:11

Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Lamentesin 3:56

“!O Yawe, plis yu no satem ia blong yu taem mi krae go long yu!” An yu lisin kam long mi.