Sams 55:14 - Pijin Bible

¹⁴ Bifoa, yumitufala bin gohed fo stori gudfala olowe nomoa, an yumitufala save wakabaot tugeta nomoa insaet long Tambuhaos blong God.

Pijin Deuterocanon

¹⁴ Bifoa, yumitufala bin gohed fo stori gudfala olowe nomoa, an yumitufala save wakabaot tugeta nomoa insaet long Tambuhaos blong God.

Sams 55:14 Iomraidhean Croise

Stori abaotem Job 19:19

Olketa fren blong mi i barava les long mi nao. An olketa wea mi lavem tumas, i agensim mi.

Sams 122:1

Mi barava hapi tumas taem olketa pipol i tok olsem long mi, “Yumi go long Tambuhaos blong Yawe.”

Sams 41:10

Lod Yawe, plis yu sore kam long mi. Plis yu mekem mi gudbaek moa, mekem mi sensimbaek olketa nogud samting wea olketa enemi i bin du-duim long mi.

Sams 42:4

God, taem mi bin lidim go olketa pipol long Tambuhaos blong yu, olketa hapi tumas an olketa singsing. Ya, olketa bin singsing fo preisim yu. Bat taem mi tingim olketa samting ya, tingting blong mi hemi nogud tumas nao.

Aesaea 2:3

An bae olketa ya i tok olsem, “Kam, yumi go antap long maonten blong Yawe hu hemi God blong Jekob. Ya, yumi go wosipim hem long Tambuhaos. An bae Yawe hemi tisim yumi long olketa wei blong hem, nao bae yumi save falom olketa wei ya.” Bae olketa duim diswan bikos oltaem Mesij blong Yawe bae hemi goaot long Jerusalem, an bae hemi gohed fo tisim olketa pipol long olketa wei blong hem.

Esikiel 33:31

Oltaem olketa pipol blong mi i hipap kam raonem yu fo herem olketa samting wea bae yu talem, bat olketa nating duim nomoa wanem yu talem long olketa. Maos blong olketa i fulap nomoa long ravis tok, an olketa gohed nomoa fo tingim long wei fo ravem pipol fo winim seleni.