Sams 52:1 - Pijin Bible

¹ !Sei Strongman! ?Waswe nao yu tokpraod abaotem olketa ravis samting wea yu bin duim agensim olketa hu God hemi lavem?

Pijin Deuterocanon

¹ !Sei Strongman! ?Waswe nao yu tokpraod abaotem olketa ravis samting wea yu bin duim agensim olketa hu God hemi lavem?

Sams 52:1 Iomraidhean Croise

Sams 10:7

Maos blong olketa i fulap long olketa nogud toktok fo spoelem pipol, an fo laea, an fo mekem pipol i fraet. An olketa kuiktaem tumas fo talem olketa ravis toktok fo spoelem pipol.

Sams 103:17

Bat lav blong Yawe fo yumi hu i tinghae long hem, hemi no save finis. Hemi tinghevi long yumi hu i kipim disfala spesol agrimen blong hem. An hemi tinghevi long yumi hu i barava obeim lo blong hem. An disfala lav blong hem hemi gudfala tumas an hemi save kasem olketa laen wea bae i bon kam bihaen long yumi.

Sams 107:1

!Yumi mas tengkiu long Yawe, bikos hemi gud tumas! !Ya, bikos hemi tinghevi long yumi olowe!

Sams 54:3

Olketa praod man i kam nao fo faetem mi, an olketa raf man i traehad nao fo kilim mi dae. Olketa ya i nating wari nomoa long yu, God.

Sams 59:7

Olketa raf toktok i ka-kamaot from maos blong olketa, an olketa gohed nomoa fo tokspoelem mi. Toktok blong olketa hemi olsem olketa sap naef fo faet wea hemi save katem man. an olketa tingse no eniwan nao bae hemi save herem olketa.

Sams 7:14

!Yufala lukim! Olketa nogud pipol ya i gohed fo tingting nomoa long olketa ravis samting. Olketa gohed nomoa fo planem trabol, an fo laea long olketa narafala pipol.

Sams 94:4

Olketa ya i gohed fo brekem lo. ?Fo hao long nao bae olketa gohed fo praod nomoa long olketa ravis wei blong olketa?

Eksodas 22:9

“Sapos wanfala man hemi lusim enisamting blong hem olsem buluka, o dongki, o sipsip, o kaleko, o enisamting moa, an bihaen hemi faendem wea narafala man hemi gohed fo kipim, nao tufala raoa long hu nao onam, bae olketa mas tekem kam tufala ya long olketa jaj, mekem olketa jaj somaot hu nao long tufala ya hemi rong. Man hu hemi rong, hemi mas givim baek samting ya long man hu hemi onam, an hemi mas givim narafala samting moa olsem long hem tu.

Provebs 6:14

Olketa ya tingim enikaen wei fo duim ravis samting an mekem trabol long evri ples.

Aesaea 59:4

No eniwan long yufala hemi falom stretfala wei fo jajem pipol. Taem yufala go long kot, yufala save tumas hao fo yusim olketa laea toktok, mekem yufala win. Oltaem yufala gohed fo falom olketa plan wea yufala mekem fo spoelem olketa narafala pipol.

Jeremaea 41:4

Long neks de, bifoa eniwan hemi save dat olketa kilim Gedalaea dae,

Jeremaea 9:8

Olketa tang blong olketa i olsem poesen aro. Oltaem olketa yusim nomoa fo laea. Olketa gohed fo toktokgud long olketa wantok, bat olketa laek fo trikim olketa nomoa.

Maeka 7:3

Evri pipol i save tumas long hao fo duim olketa nogud samting. Olketa bikman i waka tugeta fo mekem olketa ravis plan. Oltaem olketa lida an olketa jaj i letem olketa pipol fo nilam olketa long seleni. Olketa bikman ya i fosim pipol fo duim nomoa wanem olketa laekem.

Leta wea Pol hemi raetem go long sios long Rom 1:30

Olketa tokspoelem nara pipol, an olketa heitem God, an olketa spoelem nem blong nara man, an olketa praod tumas, an olketa tinghae long olketa seleva nomoa. Olketa save tingabaotem enikaen wei fo duim olketa ravis samting, an olketa nating obeim mami an dadi blong olketa.

2 Timoti 3:2

Bae olketa pipol tingim olketa seleva nomoa an bae olketa laekem seleni tumas. Bae olketa praod an bikhed, an bae olketa toktok nogud. Bae olketa no save obeim olketa mami an dadi blong olketa, an bae olketa no save sei tengkiu, an bae olketa tokdaonem God an olketa narasamting moa wea hemi holi.

1 Samuel 21:7

Long datfala taem, wanfala wakaman blong king hemi stap, wea hemi bikman long olketa man fo lukaftarem sipsip blong king. Olketa holem hem long datfala ples mekem hemi stretem samfala samting blong hem long ae blong Yawe. Disfala man hemi blong Idom an nem blong hem Doeg.