Sams 51:7 - Pijin Bible

⁷ Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Pijin Deuterocanon

⁷ Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Sams 51:7 Iomraidhean Croise

Stori abaotem Job 14:4

?Waswe, eniwan save faendem man hu hemi klin long ae blong God? !Nomoa nao!

Sams 58:4

Olketa olsem olketa poesen snek. An olketa nating save obeim God olsem olketa snek wea i nating wande herem voes o singsing blong man hu hemi kipim olketa.

Eksodas 12:22

Olketa ya mas tekem smolfala brans blong hisop, an olketa mas putum go long blad blong animol wea i stap long besin, an mas pendam long tufala saet an antap long frem long doa blong haos blong olketa. An bae no eniwan save go aotsaet long haos blong hem ya, go-go kasem moning.

Aesaea 1:18

Hem ya toktok blong Yawe. Hemi tok moa olsem, “!Olketa! Yufala mas kam distaem mekem yumi stretem disfala samting. Nomata sin blong yufala hemi barava had tumas fo aotem olsem blad long waet kaleko, bat mi save mekem yufala fo kamap barava klin nomoa olsem snou o hea blong sipsip wea hemi waet fogud.

Gudnius abaotem Jisas Kraes wea Jon hemi raetem 13:9

Taem ya, Saemon Pita hemi sei long hem nao, “Oo Masta, yu no wasim lek blong mi nomoa, bat yu mas wasim olketa han an hed blong mi tu.”

Hibrus 9:19

Fastaem ya, Mosis hemi talemaot evri toktok blong Lo long olketa pipol. An bihaen, hemi taengem wankaen gras wetem redfala wul blong sipsip, an hemi mekem tuwet long blad blong nanigot an buluka wea hemi miks wetem wata. An hemi splasem go long disfala buk blong Lo ya, an hemi splasem go long evri pipol tu.

1 Jon 1:7

Bat sapos yumi falom wei blong laet olsem God hemi long laet, bae yumi save stapgud tugeta olowe. An bae blad blong Jisas San Blong God, hemi mekem yumi barava klin from evri sin blong yumi.

Revelesin 1:5

An lav an piis hemi kam tu from Jisas Kraes wea hemi man fo talemaot stret olketa toktok blong God, an hemi fas man fo laefbaek moa from dae, an wea hemi garem paoa ovarem evri king long wol. Jisas Kraes hemi lavem yumi tumas, an taem hemi dae olsem wanfala sakrifaes hemi peimaot yumi evriwan from olketa sin blong yumi.