Sams 50:10 - Pijin Bible

¹⁰ Evri animol ya long bus, i blong mi, an evri buluka i blong mi tu.

Pijin Deuterocanon

¹⁰ Evri animol ya long bus, i blong mi, an evri buluka i blong mi tu.

Sams 50:10 Iomraidhean Croise

Jenesis 2:19

Nao Yawe hemi tekem graon, an hemi mekem olketa animol wea i gohed fo wakabaot long graon, wetem olketa bed wea i gohed fo flae olobaot antap. Nao hemi tekem olketa kam long man ya mekem hemi lukim bae olketa watkaen kaen nem nao hemi save givim long olketa. Nao olketa nem wea man ya hemi givim long olketa evriwan, olketa stap olsem olowe nao.

Jenesis 31:9

So God hemi bin gohed fo tekemaot olketa animol ya from han blong dadi blong yutufala, an hemi putum long han blong mi.

Jenesis 8:17

An yu save letem evrisamting wea i stap wetem yu insaet long sip ya, i kamaot tu, mekem bae olketa garem pikinini, mekem olketa save kamap plande moa long wol ya.”

Sams 104:14

Yu mekem gras hemi grou fo olketa animol i kaikaim, an yu mekem olketa samting wea pipol i save plantem long gaden. Hem nao mekem olketa pipol i garem kaikai an waen wea olketa dringim fo mekem olketa hapi, an oliv oel fo mekem fes blong olketa lukgud, an bred fo kaikaim mekem olketa strong.

Sams 24:1

Yawe seleva nao hemi onam disfala wol wetem evrisamting insaet long hem. Graon ya wetem evrisamting wea i stap long hem, i blong hem ya.

Daniel 2:38

God ya nao hemi mekem yu fo kamap king blong evri pipol long wol, an olketa animol, an olketa bed tu. Yu, wea yu king ovarem evrisamting wea hemi garem laef, yu nao disfala hed blong kaving ya wea olketa wakem long gol.

Jona 4:11

Tri ya wea yu sore long hem, hemi smolfala tumas. Bat disfala taon long Nineve hemi bikfala tumas, an winim 120,000 pipol nao i stap long hem. Tingting blong olketa hemi olsem nomoa smolfala pikinini hu hemi no save yet wanem hemi gud o wanem hemi nogud, an plande animol tu i stap long ples ya. ?Waswe, yu barava tingse hemi no fitim fo mi sore long olketa ya?”