Sams 50:1 - Pijin Bible

¹ Yawe, hemi God hu hemi garem evri paoa. Hemi sendemaot toktok blong hem fo go long evri ples long wol, stat long ist go kasem west, mekem evri pipol i kam tugeta.

Pijin Deuterocanon

¹ Yawe, hemi God hu hemi garem evri paoa. Hemi sendemaot toktok blong hem fo go long evri ples long wol, stat long ist go kasem west, mekem evri pipol i kam tugeta.

Sams 50:1 Iomraidhean Croise

Jenesis 17:1

Nao taem Ebram hemi kasem naenti-naen yia blong hem, Yawe hemi kam an hemi tok olsem long hem, “Mi nao God wea mi garem evri paoa. Oltaem, yu mas obeim mi, an yu mas duim olketa samting wea hemi stret.

1 Kings 18:21

Den Profet Elaeja hemi go kolsap long olketa, hemi tok olsem, “?Hao long nao bae yufala gohed fo garem tufala deferen tingting? Sapos Yawe nao hemi God, oraet, yufala mas obeim hem. Bat sapos Baal nao hemi God, oraet, yufala obeim hem.” Bat olketa ya no talem enisamting.

1 Kronikols 15:17

Nem blong olketa man ya i olsem: Heman, san blong Joel, an Asaf, san blong Berekaea, an Etan, san blong Kusaea long laen blong Merari, trifala ya nao i man fo ringim simbol. Olketa siusim Sekaraea, an Jaasiel, an Semiramot, an Jehiel, an Uni, an Eliab, an Maasea, an Benaea fo pleim olketa smol gita an falom miusik blong Alamot. Fo pleim olketa bikfala gita falom miusik blong Seminit, olketa siusim Matitaea, an Elifelehu, an Miknea, an Asasaea, an Obed-Idom an Jeel wea tufala i sekiuriti long Tambuhaos.

1 Kronikols 16:37

Nao King Deved hemi siusim Asaf wetem olketa long laen blong hem fo lukaftarem saet blong wosip long ples wea Tambu Boks blong Spesol Agrimen blong Yawe hemi stap long hem. Olketa ya i duim waka blong olketa long ples ya evri de.

1 Kronikols 25:2

Fas grup hemi garem fofala san blong Asaf olsem: Sakua, an Josef, an Netanaea, an Asarela. Olketa nao i waka andanit long Asaf. Olketa gohed fo dans an singsing fo preisim God long taem wea king hemi talem.

1 Kronikols 25:6

Olketa man ya i waka andanit long Heman, an olketa gohed fo pleim simbol an ringim olketa kaen gita fo wosipim Yawe long Tambuhaos blong hem. Nao Asaf, an Heman, an Jedutun, trifala gohed fo waka andanit long king.

1 Kronikols 6:24

an Asia hemi bonem Tahat, an Tahat hemi bonem Uriel, an Uriel hemi bonem Yusaea, an Yusaea hemi bonem Saol.

2 Kronikols 29:30

King Hesekaea an olketa bikman blong hem i talem olketa Livaet fo singim olketa singsing wea King Deved an Profet Asaf i bin raetem. So olketa hapi tumas fo preisim Yawe long olketa singsing ya, an olketa gohed fo baodaon an wosipim Yawe.

Nehemaea 9:32

“O God blong mifala. Yu hae tumas, an yu garem evri paoa, an mifala fraet fo kam kolsap long yu. Oltaem yu kipim strongfala promis blong yu, an tinghevi tumas long mifala. Stat long taem wea olketa king blong Asiria i mekem mifala olketa pipol blong yu safa, kam kasem tude, olketa king an olketa lida blong mifala, an olketa prist an olketa profet blong mifala, an olketa grani blong mifala bifoa, mifala evriwan safa fogud. Plis yu no fogetem olketa hadtaem ya blong mifala.

Nehemaea 9:6

Yu nomoa yu Yawe. Yu nomoa mekem heven wetem evrisamting long hem, an wol wetem evrisamting long hem, an si wetem evrisamting long hem. Yu nomoa givim laef long olketa evriwan. An olketa long heven i gohed fo mekem wosip long yu.

Sams 113:3

Stat long ist, go kasem long west, yumi evriwan mas preisim nem blong Yawe.

Sams 73:1

Hemi tru ya, God hemi gud tumas long yumi olketa pipol blong Israel, wea tingting blong yumi hemi klin gudfala.

Sams 74:1

?God, waswe nao yu les long mifala? !Mifala i pipol blong yu nomoa ya, wea mifala olsem olketa sipsip blong yu! ?Waswe, bae yu kros olowe nomoa long mifala nao?

Sams 75:1

Mifala talem tengkiu long yu God. Ya, mifala tengkiu tumas long yu. Mifala talemaot dat yu hae tumas, an mifala tokabaotem olketa gudfala samting wea yu bin duim.

Sams 76:1

Long Jiuda olketa pipol i savegud long God. An long Israel olketa tinghae long nem blong hem.

Sams 77:1

Mi krae bikfala go long God. Ya, mi krae go long hem, nao hemi herem mi.

Sams 78:1

Olketa pipol blong mi, yufala lisin kam long tising blong mi. Ya, yufala herem kam gudfala olketa samting wea bae mi talem.

Sams 79:1

God, olketa hiden pipol i faetem mifala an kam insaet finis fo tekova long lan ya wea yu bin givim long mifala. Ya, olketa spoelem finis Tambuhaos blong yu, an olketa brekemdaon finis taon ya long Jerusalem.

Sams 80:1

God, oltaem yu lukaftarem mifala pipol blong Israel, olsem olketa sipsip blong yu. Plis yu lisin kam long mifala. Yu nao yu king blong mifala, an yu sidaon long tron long midol long tufala enjel.

Sams 81:1

Yumi mas hapi an singaot go long God wea olketa pipol long laen blong Israel i wosipim. Ya, yumi mas singsing bikfala fo preisim God bikos hemi bin gadem yumi.

Sams 82:1

God hemi mekem wanfala kansol long heven, an hemi jajem olketa enjel hu i olsem olketa god wea i hipap raonem hem.

Sams 83:1

!God, plis yu no stap kuaet nomoa olsem!

Aesaea 1:2

Yawe nao hemi tokstrong olsem, “!Skae an graon! !Yutufala lisin kam long toktok blong mi! Stat long taem wea olketa pikinini blong mi i smolfala, mi bin lukaftarem olketa gudfala, bat distaem olketa agensim mi nao.

Aesaea 37:20

Bat yu Yawe, yu nao yu God blong mifala long Israel. Plis yu sevem mifala from paoa blong olketa long Asiria, mekem evri pipol long evri kingdom long wol i save dat yu Yawe nao yu God.”

Aesaea 54:5

Mi nao mi mekem yufala, an mi olsem hasban long yufala. Nem blong mi nao Yawe hu mi garem evri paoa, an mi nao mi Holi God blong Israel hu mi mekem yufala fri an mi rul ovarem evri ples long wol.

Aesaea 9:6

Ya, mifala hapi tumas bikos wanfala pikinini boe hemi bon kam fo mifala. Lod Yawe, yu nao yu givim kam disfala pikinini fo mifala. An hem nao bae hemi rul ovarem mifala. Bae olketa kolem hem, Nambawan Man fo givim gudfala tingting, an God hu hemi strong tumas, an Dadi hu hemi stap olowe, an Bikman fo mekem Piis.

Jeremaea 10:6

O Yawe. No eni narafala god moa hemi olsem yu. Nem blong yu hemi hae tumas, an yu garem evri paoa.

Emos 3:8

Taem laeon hemi singaot bikfala, man wea hemi herem mas fraet nao. Lod Yawe hemi olsem disfala laeon an hemi tok finis. Mi nao mi herem an mi mas talemaot olketa toktok blong hem.

Malakae 1:11

Bae pipol evriwea long wol i barava mekhae long nem blong mi. An bae olketa tekem insens an olketa sakrifaes wea i tambu, fo ofarem kam long mi. Evriwan nao bae i mekhae long mi.

Matiu 25:32

An bae evri pipol blong evri kantri long wol, olketa hipap kam long frant blong mi. An bae mi divaedem olketa long tufala deferen seksin olsem wea man fo lukaftarem sipsip hemi divaedem olketa sipsip fo stap deferen from olketa nanigot.

Josua 22:22

“!Yawe nomoa hemi barava God! Yawe, God hu hemi garem evri paoa, hemi save long wanem mifala duim ya. !An yufala save nomoa sapos mifala agensim Yawe, an mifala no biliv moa long hem, hemi gud tumas sapos yufala kilim mifala dae nomoa!