Sams 5:8 - Pijin Bible

⁸ Lod Yawe, olketa enemi blong mi i plande tumas. Plis yu lidim mi fo duim olketa samting wea i stret, an plis yu mekem mi falom nomoa wanem yu laekem.

Pijin Deuterocanon

⁸ Lod Yawe, olketa enemi blong mi i plande tumas. Plis yu lidim mi fo duim olketa samting wea i stret, an plis yu mekem mi falom nomoa wanem yu laekem.

Sams 5:8 Iomraidhean Croise

2 Samuel 12:14

Bat bikos wanem yu bin duim hemi mekem pipol fo tingting nogud long Yawe, disfala pikinini blong yu bae hemi dae.”

Sams 119:10

Long ful laef blong mi, mi laekem tumas fo falom yu. Plis yu helpem mi, mekem mi obeim olketa strongfala toktok blong yu.

Sams 119:64

Lod Yawe, lav blong yu fo evri pipol long wol hemi bikfala tumas, so plis yu tisim mi long olketa lo blong yu.

Sams 138:2

Mi baodaon go long Tambuhaos blong yu an mi preisim nem blong yu, bikos yu lavem mi tumas an oltaem yu kipim olketa promis blong yu. Yu nao yu mekem mifala fo save dat nem blong yu an olketa toktok blong yu i hae moa winim evrisamting.

Sams 27:11

Lod Yawe, plis yu tisim mi long olketa wei blong yu, an yu lidim mi go long rod wea hemi sef, bikos olketa enemi blong mi i staka tumas nao.

Sams 31:1

Lod Yawe, mi kam long yu mekem yu gadem mi. Plis yu no letem olketa enemi blong mi fo winim mi. Yu nao yu God wea wei blong yu hemi stret, so plis yu sevem mi.

Sams 54:5

Hemi gud fo God hemi panisim olketa enemi ya, long olketa ravis wei blong olketa seleva, Mi laek fo hemi spoelem olketa finis, bikos hemi kipim promis blong hem olowe.

Sams 59:10

God blong mi hemi lavem mi tumas, an bae hemi kam an stap wetem mi. Ya, bae hemi letem mi lukim taem hemi winim olketa enemi blong mi.

Sams 86:11

Lod Yawe, plis yu tisim mi olketa samting wea yu laekem mi fo duim, mekem mi save obeim trutoktok blong yu. Ya, plis yu mekem mi fo barava wanmaen nomoa fo tinghae long yu.

Provebs 4:25

Luk stret long gogo blong yu, no luk olobaot.

Jona 2:5

Mi dringim solwata go-go mi kolsap dae nao. Solwata ya hemi kolsap draonem mi, an gras long solwata hemi taemapem hed blong mi.

Matiu 3:3

Jon Baptaes ya, hem nao profet Aesaea hemi tokabaotem taem hemi sei, “Wanfala man hemi toktok bikfala insaet long drae eria an hemi sei, ‘!Yufala mas mekredi long rod fo Masta, an yufala mas stretem olketa smolfala rod fo hem!’”

Hibrus 12:13

An yufala mas gohed fo wakabaot long wei wea hemi stret gudfala, mekem olketa hu i wik no kamap nogud moa, bat bae olketa save gudbaek moa.