Sams 5:4 - Pijin Bible

⁴ God, yu no olsem olketa narakaen god wea i hapi long olketa ravis wei, an yu nating laek fo lukim eni nogud samting fo hemi stap wetem yu.

Pijin Deuterocanon

⁴ God, yu no olsem olketa narakaen god wea i hapi long olketa ravis wei, an yu nating laek fo lukim eni nogud samting fo hemi stap wetem yu.

Sams 5:4 Iomraidhean Croise

1 Kronikols 29:17

“Mi save dat yu gohed fo testem tingting blong olketa pipol, an yu hapi wetem olketa pipol hu i falom stretfala wei. Long stretfala wei nomoa, mi laekem tumas fo givim evrisamting ya go long yu. An mi lukim finis dat olketa pipol blong yu long hia, olketa laekem tumas fo givim olketa samting ya go long yu.

Sams 101:7

Man hu hemi save laea tumas, bae mi no letem fo stap long haos blong mi. Ya, man hu hemi save laea tumas, bae mi no letem fo stap wetem mi tu.

Sams 11:5

God hemi gohed fo luksave long laef blong olketa gudfala pipol an olketa nogud pipol tu. An hemi nating laekem olketa ya wea i laek fo mekem trabol.

Sams 140:13

Hemi tru, wea olketa stretfala pipol bae i stap wetem yu, an oltaem bae olketa preisim yu. (Singsing blong Deved.)

Sams 50:21

Yufala bin duim olketa samting ya, an yufala tingse mi no save tok. ?Waswe, yufala tingse mi olsem yufala ya? !Nomoa ya! Bat distaem, bae mi tokstrong long yufala, fo somaot klia long olketa rong blong yufala.”

Sams 63:2

Plis yu letem mi lukim yu long Tambuhaos blong yu. Mi laekem tumas fo lukim bikfala paoa blong yu, an wei wea paoa ya hemi soaot.

Sams 88:14

?Lod Yawe, waswe nao yu les long mi? ?Waswe nao yu no save luk kam moa long mi?

Sams 92:15

Evrisamting ya nao hemi som dat wei blong Yawe hemi stret fogud, An hemi som dat God hu hemi gadem mi hemi stret olowe.

Sams 94:20

Yu barava les long olketa jaj wea wei blong olketa hemi nogud tumas. Ya, yu les long olketa jaj hu i mekem olketa lo wea i nating stret.

Habakuk 1:13

Yu barava holi tumas, an yu nating laek fo luk long olketa ravis samting. ?So hao nao yu save lukim olketa ravis samting wea olketa nogud pipol blong Babilonia i gohed fo duim, bat yu nating duim nomoa enisamting fo stopem? ?Hao nao yu save stap kuaet nomoa taem olketa ravis pipol i spoelem narafala pipol hu i stret lelebet winim olketa?

Malakae 2:17

(Profet) Olketa toktok blong yufala mekem Yawe fo les. Bat yufala gohed fo ask olsem, ??Hao nao olketa toktok blong mifala mekem hem les?? Bikos yufala talem dat Yawe hemi hapi nomoa long man hu hemi duim olketa ravis samting. An yufala gohed fo tok olsem, ??Waswe nao disfala God no jajem pipol long stretfala wei??

Gudnius abaotem Jisas Kraes wea Jon hemi raetem 14:23

Jisas hemi ansarem hem olsem, “Sapos eniwan hemi lavem mi, bae hemi obeim toktok blong mi ya. An Dadi blong mi bae hemi lavem hem, an bae mitufala kam an stap wetem hem.

Hibrus 12:14

Yufala mas traehad fo stap long wei blong piis wetem evri pipol, an fo stap holi long ae blong God. Sapos eniwan hemi no stap holi olsem, bae hemi no save lukim Masta.

2 Pita 3:13

Bat God hemi promis finis fo mekem niufala skae an niufala wol moa, wea evriwan hu i stret long ae blong God bae olketa stap long hem. So yumi mas weit nomoa fo lukim olketa niufala samting ya.

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.