Sams 5:11 - Pijin Bible

¹¹ Bat evriwan wea i go long yu fo stap sef, olketa ya nao i hapi an singsing olowe. Plis yu lukaftarem gudfala olketa ya wea i lavem yu, bikos yu nao yu mekem olketa barava hapi.

Pijin Deuterocanon

¹¹ Bat evriwan wea i go long yu fo stap sef, olketa ya nao i hapi an singsing olowe. Plis yu lukaftarem gudfala olketa ya wea i lavem yu, bikos yu nao yu mekem olketa barava hapi.

Sams 5:11 Iomraidhean Croise

Sams 2:12

Hemi gud wea yufala i barava tinghae long Yawe, an yufala mas baodaon long san blong hem. Sapos nomoa, bae hemi kros, an no long taem bae yufala dae nao ya. Evriwan wea i go long hem fo hemi gadem olketa, olketa nao i hapi. (Singsing blong Deved. Hemi mekem bihaen long taem ya wea hemi ranawe from san blong hem Absalom hu hemi laek fo kilim hem dae.)

Sams 35:27

Olketa wea i laekem tumas fo yu talem dat mi wanfala stretfala man, letem olketa hapi an singaot bikfala. Ya, hemi gud fo olketa singaot olsem olowe, “!Yawe, hemi barava hae fogud, an hemi hapi tumas taem wakaman blong hem hemi stap gudfala nomoa!”

Sams 40:16

Bat evriwan wea i kam long yu, hemi gud fo yu mekem olketa hapi olowe. Olketa wea i tengkiu long yu bikos yu sevem olketa, hemi gud fo olketa tok olowe olsem, “!Yawe nao hemi barava hae tumas!”

Sams 58:10

Bae olketa stretfala pipol i hapi taem olketa lukim dat yu panisim olketa nogud pipol. An bae olketa hapi fo lukim go evriwea nomoa blad blong olketa nogud pipol hu i dae.

Sams 65:13

Ya, olketa hil i fulap fogud long olketa sipsip, an olketa gaden long olketa vali i fulap fogud tu long kaikai. Evrisamting long evri ples, i gohed fo singaot, olketa gohed fo singsing bikos olketa hapi tumas.

Sams 68:3

Bat olketa stretfala pipol wea i kam long God, hemi gud tumas fo olketa barava hapi. Ya, hemi gud tumas fo olketa hapi an singaot.

Sams 69:36

Olketa long laen blong olketa pipol ya, bae i tekova long graon ya, an olketa hu i lavem God, bae olketa nao i stap long ples ya. (Singsing blong Deved.)

Sekaraea 9:9

Yawe hemi tok olsem, ?!Olketa pipol blong Saeon! !Yufala mas barava hapi! !Olketa pipol blong Jerusalem! !Yufala mas singaot bikfala! !Yufala lukim! King blong yufala hemi kam nao. Wei blong hem hemi stret olowe, an hemi winim finis olketa enemi blong hem. Bat hemi no haemapem hem seleva, an hemi raed kam antap long wanfala yang dongki.

Leta wea Pol hemi raetem go long sios long Rom 8:28

An yumi save dat long evrisamting wea hemi save kasem yumi, God hemi duim olketa gudfala samting fo olketa pipol hu i lavem hem. Olketa nao pipol wea hemi kolem olketa, falom plan blong hem.

1 Korin 2:9

Hemi olsem Buktambu hemi talem finis, “Wanem God hemi mekredi long hem fo olketa hu i lavem hem, hemi samting wea no eniwan hemi lukim o herem kam yet. Hemi samting wea no eniwan hemi tingse bae hemi hapen.”

Jemes 1:12

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

Jemes 2:5

Olketa gudfala fren blong mi, yufala lisin fastaem. God hemi siusim pipol hu i pua long wol, mekem olketa kamap ris long biliv blong olketa. Hemi siusim olketa, fo stap insaet long kingdom blong God, olsem wea hemi promisim finis long olketa hu i lavem hem.

Revelesin 18:20

Yufala long heven, an yufala pipol blong God, an yufala aposol, an yufala profet, yufala mas hapi tumas long disfala panis, bikos God hemi jajem woman ya from olketa samting wea hemi bin duim long yufala.

Jajis 5:31

“Lod Yawe, letem olketa enemi blong yu i dae long sem wei wea Sisera hemi dae. Bat letem evriwan hu i lavem yu i saen olsem san wea hemi kamap long moning.” So lan blong Israel hemi stap long piis fo foti yia.