Sams 49:13 - Pijin Bible

¹³ Yufala lukluk fastaem fo wanem nao bae hemi hapen long olketa wea i trastem olketa seleva nomoa. Distaem, olketa hapi fogud long plande samting wea olketa garem. Bat rod wea bae olketa falom nao hemi olsem:

Pijin Deuterocanon

¹³ Yufala lukluk fastaem fo wanem nao bae hemi hapen long olketa wea i trastem olketa seleva nomoa. Distaem, olketa hapi fogud long plande samting wea olketa garem. Bat rod wea bae olketa falom nao hemi olsem:

Sams 49:13 Iomraidhean Croise

Eklesiastes 3:19

Laef blong man an laef blong animol hemi semsem nomoa. Ya, olsem wea animol hemi dae, man tu mas dae. Sapos olsem, man no save sei wea hemi moabeta winim animol, bikos tufala evriwan bae i dae nomoa. Evrisamting ya hemi no fitim tingting blong yumi.

Jeremaea 44:17

Bae mifala gohed fo duim evrisamting barava olsem mifala bin talem finis: Bae mifala bonem insens fo mekem wosip long disfala woman god olketa kolem Kuin blong Heven. An bae mifala gohed fo kapsaetem waen fo givim presen long hem, olsem wea mifala, an olketa grani blong yumi, an olketa king wetem olketa lida blong yumi bin mekem long olketa taon blong Jiuda, an olobaot long Jerusalem. Long datfala taem, yumi bin garem plande kaikai, an yumi bin stap gudfala, an yumi no garem eni trabol nomoa.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

1 Korin 3:19

Bikos olketa gudfala save blong disfala wol, God hemi lukim olsem samting nating nomoa. Buktambu hemi sei, “God bae hemi jajem olketa waesman from olketa kleva samting blong olketa.”