Sams 46:4 - Pijin Bible

⁴ Wanfala riva hemi ran long midol long Jerusalem, an hemi gohed fo mekem olketa pipol long taon ya i hapi, hemi gohed fo mekem olketa pipol i hapi tumas long Tambuhaos blong God hu hemi hae tumas.

Pijin Deuterocanon

⁴ Wanfala riva hemi ran long midol long Jerusalem, an hemi gohed fo mekem olketa pipol long taon ya i hapi, hemi gohed fo mekem olketa pipol i hapi tumas long Tambuhaos blong God hu hemi hae tumas.

Sams 46:4 Iomraidhean Croise

2 Kronikols 6:6

Bat mi siusim nao Jerusalem, olsem ples wea bae yufala mas wosipim nem blong mi long hem, an mi siusim yu Deved fo kamap king ovarem pipol blong mi long Israel.’”

Sams 23:2

Oltaem hemi gohed fo mekem mi res gudfala long ples wea hemi garem plande gudfala gras long hem. Hemi lidim mi go long olketa kuaet ples wea hemi garem gudfala wata long hem.

Sams 43:3

Plis yu som kam laet blong yu an talem kam trutoktok blong yu fo lidim mi, an fo tekem mi kambaek long Saeon disfala tambu maonten blong yu, an fo go kasem Tambuhaos wea yu stap long hem.

Sams 48:1

Yawe hemi God blong yumi, an hemi hae tumas. Long taon blong hem, long holi maonten blong hem, yumi mas barava liftimap nem blong hem.

Sams 48:8

Yawe hu hemi garem evri paoa, hemi God blong yumi. Yumi herem finis olketa samting wea hemi bin duim bifoa, an distaem yumi lukim moa long taon blong hem ya. Ya, bae hemi gadem taon ya olowe.

Sams 65:9

Yu somaot dat yu lukaftarem disfala wol ya, bikos yu gohed fo sendem kam ren, an yu mekem graon ya fo hemi kamap gudfala. Yu fulumap olketa riva wetem wata, an yu mekem graon fo garem plande kaikai. Hem nao wei wea yu mekem.

Sams 87:3

Olketa barava gudfala toktok nao, bae olketa talem abaotem taon ya.

Sams 91:1

Yawe hemi hae tumas, an hemi garem evri paoa. Eniwan wea God hemi gadem, an hemi trastem God fo lukaftarem hem gudfala, hemi save tok olsem, “Yu nao yu God blong mi wea mi trastem. Yu nao yu lukaftarem mi, an yu gadem mi.”

Sams 92:1

Lod Yawe, yu nao yu God hu hemi hae tumas, hemi gud tumas fo mi talem tengkiu long yu. Ya, hemi gud tumas fo mi singsing fo preisim nem blong yu.

Sams 92:8

Bat yu Lod Yawe, oltaem yu nao yu hae tumas.

Sams 93:3

Lod Yawe, noes blong rafsi long komburu hemi bikfala tumas. Ya, olketa barava meknoes fogud wea mifala fraetem tumas.

Eklesiastes 5:8

Yu no sapraes sapos yu lukim olketa bikman i gohed fo mekful long olketa pua pipol, an stopem olketa fo no kasem raet blong olketa, an no jajem olketa long stretfala wei. Olketa bikman ya i no tinghevi long olketa pua pipol bikos olketa stap nomoa andanit long paoa blong narafala bikman moa hu i bos long olketa. Olketa narafala bikman ya tu i duim semsamting, bikos olketa tu i stap andanit long paoa blong olketa bos.

Aesaea 48:18

Sapos yufala bin obeim olketa strongfala toktok blong mi, bae yufala garem piis olsem wanfala riva wea hemi gohed fo ran gudfala. An bae yufala falom stretfala wei olowe, olsem wea wev hemi gohed fo brek olowe long sanbis o rif.

Aesaea 60:14

Nao olketa pikinini blong olketa pipol hu i bin mekem yufala safa tumas, bae i kam an baodaon long yufala go-go kasem graon, fo mekhae long yufala. Olketa hu i lukdaon long yufala fastaem, bae i kam an nildaon frant long yufala, fo somaot dat olketa tinghae long yufala. Ya, bae pipol i tok olsem, ‘Tru nao, disfala taon long Saeon hemi blong Yawe hu hemi Holi God blong Israel.’

Maeka 6:6

(Profet) ?Watkaen samting nao yumi save tekem kam fo ofarem long Yawe hu hemi God blong heven? ?Waswe, bae yumi tekem kam olketa nambawan yang buluka fo bonem olsem sakrifaes long hem?

Hibrus 12:22

Bat yufala ya, yufala kasem finis disfala maonten wea yumi kolem Saeon, disfala bikfala taon blong God hu hemi laef, wea hem nao disfala Jerusalem long heven ya. Yufala kasem ples wea plande taosen long olketa enjel nao olketa stap long hem.

Revelesin 21:10

Nao paoa blong Holi Spirit hemi kam long mi, an enjel ya hemi lidim mi go antap long wanfala bik maonten wea hemi hae fogud. Nao hemi som long mi Jerusalem, disfala bikfala Holi Taon wea hemi kamdaon from God long heven.