Sams 45:3 - Pijin Bible

³ Yu strongfala man fo faet wea yu gudfala tumas, an yu hae tumas. Yu mas tekem naef blong yu fo faet, an hangem go long saet blong yu.

Pijin Deuterocanon

³ Yu strongfala man fo faet wea yu gudfala tumas, an yu hae tumas. Yu mas tekem naef blong yu fo faet, an hangem go long saet blong yu.

Sams 45:3 Iomraidhean Croise

Stori abaotem Job 1:16

Taem hemi gohed fo toktok yet, narafala wakaman moa hemi kam, an hemi tok olsem, “!Masta! Laetning hemi kilim dae evri sipsip blong yu an evri man wea i lukaftarem olketa. Mi seleva nomoa mi ranawe kam fo talem yu.”

Sams 104:1

!Oltaem mi laekem tumas fo preisim Yawe! Yu nao yu God blong mi hu hemi hae tumas. !Hae nem blong yu an paoa blong yu nao hemi mekem yu King,

Sams 145:12

Long wei ya nao bae evriwan save long olketa bikfala waka blong yu, an long gudfala wei ya wea yu rul long paoa blong yu.

Sams 145:5

Oltaem bae olketa tokabaotem bikfala paoa blong yu wea hemi saen kamdaon long mifala, an oltaem bae mi tingting strong abaotem olketa gudfala waka blong yu.

Sams 21:5

Hemi garem bikfala nem bikos yu bin helpem hem fo win long faet. Yu mekem hem fo kamap king, nao olketa pipol i tinghae long hem.

Sams 21:7

Lod Yawe, disfala king blong mifala ya, hemi gohed fo trastem yu, an bae hemi stap sef olowe, bikos yu hae tumas, an yu lavem hem.

Sams 96:6

Evriwan save lukim dat hemi garem evri paoa an hem nao hemi King. Ya, evrisamting long Tambuhaos blong hem, i somaot dat hemi garem paoa an hemi strong tumas.

Nambawan Singsing 2:3

Man blong mi, taem yu stap midol long olketa narafala yang man, yu barava olsem wanfala apol tri wea hemi grou midol long olketa narafala tri long bus. Mi laekem tumas fo sidaon long sado blong apol tri ya, an frut blong hem hemi barava suit tumas.

Nambawan Singsing 5:13

Fes blong hem hemi naes tumas, olsem gaden wea hemi fulap long olketa tri wea lif blong olketa hemi garem gudfala smel. An maos blong hem hemi fil naes fogud olsem barava naes flaoa wea hemi tuwet long wata blong maa tri.

Aesaea 49:2

Hemi mekem toktok blong mi fo sap olsem naef fo faet. Hemi gadem mi olsem hemi haedem mi long han blong hem. Hemi mekem mi redi olsem mi wanfala sap aro wea hemi redi fo sut long hem.

Aposol 10:36

Yufala save finis wea God hemi sendem toktok blong hem go long olketa pipol blong Israel. Hemi talemaot disfala Gudnius, wea yumi save garem piis wetem hem bikos long Jisas Kraes Masta blong evriwan.

Leta wea Pol hemi raetem go long sios long Rom 14:9

Kraes hemi dae an hemi laefbaek moa, fo mekem hem nao Masta blong olketa pipol hu i laef an hu i dae finis.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 4:12

Toktok blong God hemi garem laef an hemi gohed fo waka nomoa. Hemi barava sap tumas winim naef fo faet wea hemi sap long tufala saet an hemi save go kasem insaet long olketa bon blong man. Toktok blong God ya hemi save go barava insaet long tingting an long laef blong man. Hemi save go kasem insaet long pipol fo jajem olketa tingting blong olketa wetem wanem olketa laekem tumas.

Hibrus 8:1

Bikfala samting wea mifala gohed fo talem long yufala nao, hemi olsem. Yumi garem diskaen Haeprist ya hu hemi sidaon long heven long raetsaet blong God hu hemi garem evri paoa.

Jiud 1:25

!Yumi preisim God Sevia blong yumi! Bikos Masta blong yumi Jisas Kraes hemi sevem yumi, yumi mas mekhae long God. Yumi mas talemaot dat hemi hae tumas an hemi garem evri paoa, stat kam bifoa wol hemi stap, an kam kasem distaem, an go-go hemi no save finis enitaem. Amen.

Revelesin 1:16

Hemi holem sevenfala sta long raet han blong hem. An wanfala naef fo faet wea hemi sap tumas long tufala saet evriwan, hemi kamaot long maos blong hem. An fes blong hem hemi saen olsem san long midol de.

Revelesin 19:15

Wanfala naef fo faet wea hemi sap tumas, hemi kamaot long maos blong hem, an bae hemi yusim diswan fo winim evri kantri. An bae hemi strik tumas taem hemi rul ovarem olketa ya. An bae hemi mekem bikfala kros blong God hu hemi garem evri paoa, fo kasem olketa. Bae hemi olsem taem wanfala man hemi step antap long olketa frut blong grep tri ya, go-go wata blong frut ya hemi kamaot.

Revelesin 19:21

An disfala man wea hemi sidaon antap long hos ya, hemi kilim olketa soldia dae wetem disfala naef fo faet wea hemi kamaot long maos blong hem. An olketa bed kamdaon an kaikaim mit blong bodi blong olketa soldia ya, go-go olketa fulap fogud.

Jajis 3:16

Oraet, Ehud hemi bin wakem wanfala naef wea hemi sap long tufala saet, an longfala blong hem i kasem foti-faev sentemita, an hemi taengem naef ya long raet lek blong hem insaet long kaleko blong hem.