Sams 44:1 - Pijin Bible

¹ God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Pijin Deuterocanon

¹ God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Sams 44:1 Iomraidhean Croise

Sams 22:31

Bae olketa ya i tok olsem long olketa pipol wea bae i bon kam bihaen, “Yawe hemi sevem finis olketa pipol blong hem.” (Singsing blong Deved.)

Sams 42:1

God, mi laekem tumas fo wosipim yu, olsem wanfala dia wea hemi barava dae fo wata an hemi laekem tumas fo dring long springwata.

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Sams 77:5

Mi tingraonem olketa de wea i gopas finis, an mi tingim olketa yia wea i gopas longtaem finis.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Joel 1:3

Yufala mas talem olketa pikinini blong yufala, mekem olketa tu save talem pikinini blong olketa abaotem. An olketa pikinini blong olketa bae i talem moa olketa pikinini wea bae i bon kam bihaen long olketa.

Diutronomi 6:20

“Nao taem olketa pikinini blong yufala, olketa askem yufala olsem, ‘?Waswe nao Yawe, God blong yumi, hemi talem yumi fo falom olketa tising an olketa lo an olketa rul ya?’,

Jajis 6:13

Bat Gidion hemi tok olsem long hem, “Sore masta, bat yu tingim fastaem. ?Sapos Yawe hemi stap wetem mifala, waswe nao olketa nogud samting ya i kasem mifala olsem? Olketa grani blong mifala bifoa i tokabaotem taem Yawe duim olketa bikfala samting fo hemi tekem olketa aot from Ijip. ?Waswe nao hemi no duim semsamting fo mifala? Distaem hemi lusim mifala finis so mifala stap long han blong laen blong Midian.”