Sams 41:6 - Pijin Bible

⁶ Olketa wea i kam fo lukim mi olketa toktok nating nomoa, olketa nating sore nomoa long mi. Olketa kam nomoa fo faendemaot olketa trabol blong mi, nao taem olketa gobaek, olketa gohed fo talemaot long evri ples.

Pijin Deuterocanon

⁶ Olketa wea i kam fo lukim mi olketa toktok nating nomoa, olketa nating sore nomoa long mi. Olketa kam nomoa fo faendemaot olketa trabol blong mi, nao taem olketa gobaek, olketa gohed fo talemaot long evri ples.

Sams 41:6 Iomraidhean Croise

Sams 12:2

Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Jeremaea 20:10

Mi herem olketa pipol gohed fo tokhaed agensim mi olsem, “Oltaem profet ya hemi talem yumi wea plande samting fo mekem yumi fraet fogud, hemi stap evriwea raonem yumi. !Yumi sud kolem hem long nem ya ‘Fraet Raonem Evriwea’! Yumi mas go ripotem hem long olketa bikman.” Nomata olketa fren blong mi tu i weit nomoa fo lukim dat mi duim enikaen rong samting. Olketa gohed fo tok olsem, “Maet samwan save trikim hem, mekem yumi save winim hem an sensimbaek wanem hemi bin duim long yumi.”

Daniel 11:27

Nomata tufala king ya bae i sidaon fo kaikai long wanfala tebol nomoa, bat tingting blong tufala bae hemi nating gud nomoa fo tufala. Bae tufala gohed fo laea nomoa long tufala. An tufala bae i no save kasem wanem tufala laekem, bikos hemi no kasem yet taem wea God hemi makem.

2 Korin 11:26

Plande taem long olketa gogo blong mi, kolsap mi dae long bikfala riva an kolsap mi dae long enikaen man fo stil. Kolsap mi dae long olketa wantok blong mi an kolsap mi dae long olketa hu i no Jiu tu. Kolsap mi dae long biktaon an long bus an long solwata tu. An kolsap mi dae long olketa laea fren blong mi.