Sams 40:10 - Pijin Bible

¹⁰ Mi nating haedem nomoa nius ya abaotem wei wea yu bin sevem mifala. Oltaem mi talem olketa pipol abaotem promis blong yu fo olketa an wei wea yu sevem olketa. Ya, mi nating haedem from olketa pipol blong yu hu i hipap fo wosip, wea oltaem yu tingim olketa tumas, an lav blong yu fo olketa hemi bikfala tumas tu.

Pijin Deuterocanon

¹⁰ Mi nating haedem nomoa nius ya abaotem wei wea yu bin sevem mifala. Oltaem mi talem olketa pipol abaotem promis blong yu fo olketa an wei wea yu sevem olketa. Ya, mi nating haedem from olketa pipol blong yu hu i hipap fo wosip, wea oltaem yu tingim olketa tumas, an lav blong yu fo olketa hemi bikfala tumas tu.

Sams 40:10 Iomraidhean Croise

Sams 22:26

Lod Yawe, olketa pua pipol bae i kaikaim wanem olketa laekem, an olketa wea i kam long yu bae olketa preisim yu. Mi laekem tumas fo olketa garem gudfala laef olowe.

Sams 25:10

Oltaem, Yawe hemi lavem tumas olketa pipol, an hemi save tingim tumas olketa pipol ya. Long wei ya nao, hemi gohed fo lidim olketa pipol wea i gohed fo falom olketa toktok blong spesol promis ya, wea hemi bin mekem wetem olketa grani blong yumi bifoa.

Sams 34:6

Taem laef blong mi hemi nogud, mi kol go long Yawe, nao hemi herem mi. Ya, hemi sevem mi nao from olketa trabol blong mi.

Sams 75:9

Bat bae mi gohed nomoa fo tokabaotem God blong Jekob olowe nao. An bae mi singsing fo preisim hem.

Sams 89:1

Lod Yawe, oltaem bae mi singsing abaotem bikfala lav blong yu, an oltaem bae mi talemaot abaotem wei wea yu kipim olketa promis blong yu.

Aesaea 49:6

an hemi tok olsem long mi, ‘Bae yu mekem olketa laen blong Israel wea i laef yet, fo kamap strong moa olsem fastaem. Bat mi garem waka fo yu wea hemi bikfala moa. Bae mi mekem yu fo kamap olsem laet fo olketa narafala kantri, mekem paoa blong mi fo sevem pipol, hemi kasem evri pat long wol.’”

Esikiel 2:7

Yu mas talemaot toktok blong mi long olketa, nomata olketa lisin long yu o les fo lisin. Yu mas save dat olketa ya i agensim mi olowe nomoa.

Maeka 7:20

Mifala long laen blong Jekob save trastem yu olowe. Ya, mifala save dat bae yu gohed fo tinghevi olowe long mifala long laen blong Ebraham. Mifala barava save olsem, bikos yu bin mekem olketa strongfala promis long olketa grani blong mifala bifoa.

Gudnius abaotem Jisas Kraes wea Luk hemi raetem 3:6

Bikos evriwan long disfala wol bae olketa lukim dat God bae hemi kam an sevem olketa pipol.’”

Gudnius abaotem Jisas Kraes wea Jon hemi raetem 1:17

Lo blong God, Mosis nao hemi raetem. Bat hao God hemi kaen tumas an evri tru samting abaotem hem moa, Jisas Kraes nao hemi somaot klia long yumi.

Leta wea Pol hemi raetem go long sios long Rom 10:3

Olketa nating luksave long wei blong God fo mekem pipol stret long ae blong hem. Olketa traehad fo duim diswan falom wei blong olketa seleva nomoa, an olketa nating letem God fo mekem olketa stret long ae blong hem.

Filipae 3:9

an mekem mi save joen gudfala wetem hem. So mi no stap stret long ae blong God bikos mi falom disfala Lo ya. !Nomoa! Mi kamap stretfala man bikos mi biliv long Kraes, wea God nao hemi duim diswan bikos mi biliv nomoa.

1 Tesalonaeka 1:8

Yufala talemaot finis Gudnius abaotem Masta blong yumi long evri ples long Masedonia an Akaea. An nius abaotem biliv blong yufala long God, hemi kasem evri ples nao. So hemi no nid nomoa fo mifala talemaot enisamting,

1 Timoti 1:15

Jisas Kraes hemi kam insaet long wol ya fo mekem pipol fo fri from wei blong sin. Disfala toktok ya hemi barava tru ya, an hemi gud fo evriwan fo herem an bilivim. Mi nao mi barava wos winim eniwan long saet blong sin,

Revelesin 22:17

An Holi Spirit wetem niufala waef blong Kraes, tufala tok olsem, “Yufala kam.” An evriwan wea olketa herem toktok ya, olketa mas tok olsem tu, “Yufala kam.” Yufala wea yufala dae fo wata, yufala kam. Ya, yufala wea yufala laekem tumas fo dring, yufala save kam tekem fri disfala wata blong laef.