Sams 4:7 - Pijin Bible

⁷ Taem olketa ya i garem plande kaikai an plande waen, olketa hapi tumas. Bat yu mekem mi fo barava hapi moa.

Pijin Deuterocanon

⁷ Taem olketa ya i garem plande kaikai an plande waen, olketa hapi tumas. Bat yu mekem mi fo barava hapi moa.

Sams 4:7 Iomraidhean Croise

Sams 31:17

Lod Yawe, mi kol kam long yu. Plis yu no letem olketa enemi blong mi fo mekem mi sem. Olketa nogud pipol ya, an hemi gud fo yu mekem olketa sem. Hemi gud fo olketa dae, an godaon kuaet insaet long grev.

Sams 37:4

Yu mas faendem hapi blong yu long Yawe, an bae hemi givim yu olketa samting wea yu laekem tumas.

Sams 43:4

Taem mi kasem Tambuhaos blong yu bae mi go long olta blong yu fo mekem sakrifaes long yu God, bikos yu nao yu mekem mi hapi, Yu nao yu God blong mi, hem nao bae mi ringim gita blong mi an bae mi singsing fo preisim yu.

Sams 67:2

Sapos olsem, evriwan long wol bae i save long wanem yu laekem. Ya, mekem evri pipol long evri narafala kantri bae i save long wei wea yu sevem olketa.

Sams 80:4

Lod Yawe, yu nao yu God hu hemi garem evri paoa. ?Fo hao long nao bae yu kros an no ansarem olketa prea blong mifala?

Sams 92:4

Lod Yawe, mi hapi tumas from olketa bikfala waka blong yu. Ya, mi singsing fo preisim yu fo olketa samting wea yu bin duim fo mi.

Nambawan Singsing 1:4

Yu olsem king blong mi nao. Plis yu tekem mi. Yumitufala kuiktaem go fo stap insaet long rum blong yu. Bae yumitufala barava hapi tumas, bikos mi barava lavem yu an yu lavem mi tumas winim evrisamting long disfala wol. Hemi fitim fo evri gele nomoa save laekem yu.

Aesaea 9:3

Lod Yawe, yu mekem mifala hapi tumas. Ya, yu mekem mifala hapi fogud. Mifala hapi tumas olsem olketa pipol hu i tekem kaikai long gaden. Ya, mifala hapi fogud olsem olketa pipol hu i divaedem olketa samting wea olketa winim long faet.

Jeremaea 48:33

Olketa gaden an frut tri blong Moab i nambawan, bat no eniwan hemi stap moa long hem hu hemi save singaot fo hapi. Mi mekem finis wea no eniwan save wakem waen. No eniwan nao hemi stap fo singsing long taem olketa waka. Pipol i singaot bikfala, bat i no fo hapi.

Nambas 6:25

‘!Letem Yawe hemi hapi fogud long yufala an kaen long yufala!

Aposol 14:17

Bat nomata olsem, oltaem nomoa hemi barava somaot hem seleva long evri pipol long olketa gudfala samting hemi duim. Hem nao hemi givim yufala ren wea hemi foldaon kam long skae, an hemi mekem olketa kaikai fo garem frut long taem blong hem. Ya, hemi givim yufala plande kaikai, an hemi mekem tingting blong yufala fo hapi.”

1 Pita 1:8

Nomata yufala no lukim Kraes yet, bat yufala lavem hem nomoa. An nomata distaem, yufala no save lukim hem bat yufala gohed nomoa fo biliv long hem an yufala gohed fo hapi fogud. An hapi blong yufala hemi bikfala tumas winim evrisamting,

Jajis 9:27

Nao olketa go long olketa plantesin blong grep an tekemaot olketa frut blong hem fo mekem waen. Long datfala taem, olketa mekem wanfala fist insaet long haos blong god blong olketa. Long fist ya olketa gohed fo kaikai an dring, an olketa tokspoelem Sif Abimelek.