Sams 4:3 - Pijin Bible

³ Yufala mas save dat Yawe hemi bin siusim fo hem seleva olketa, hu i tinghevi long hem, an hemi herem mi taem mi prea long hem.

Pijin Deuterocanon

³ Yufala mas save dat Yawe hemi bin siusim fo hem seleva olketa, hu i tinghevi long hem, an hemi herem mi taem mi prea long hem.

Sams 4:3 Iomraidhean Croise

Sams 31:23

Yufala hu i tinghevi long Yawe, yufala mas lavem hem. Yawe hemi gohed fo lukaftarem gudfala long olketa pipol wea tingting blong olketa hemi stap strong long hem. Bat hemi gohed fo panisim olketa praod pipol, fitim olketa sin blong olketa.

Sams 34:15

Yawe hemi save luk go long olketa stretfala pipol, an hemi save lisin long prea blong olketa.

Sams 49:3

Olketa toktok wea bae mi talem hemi waes tumas. An bae yufala save nomoa wanem mi tingim.

Sams 50:5

Hemi tok olsem long tufala, “Yutufala mas talem olketa hu i tinghevi long mi fo hipap kam long mi. Ya, talem kam olketa wea i mekem sakrifaes long mi fo somaot dat olketa kipim spesol agrimen blong mi.”

Sams 56:9

Lod Yawe, long de wea bae mi kol kam long yu, bae yu mekem olketa enemi blong mi olketa taneraon an olketa gobaek. Mi save finis wea yu nao yu saetem mi. So mi gohed fo preisim yu from olketa promis blong yu.

Sams 6:8

Yufala evri nogud pipol, yufala giraot from mi, bikos Yawe bin herem finis krae blong mi nao.

Sams 62:10

Ravis wei fo fosim pipol fo givim olketa samting long yufala, datwan yufala mas no trastem. Nomata wea evrisamting blong yufala hemi kamap plande, yufala mas no trastem olketa samting ya.

Eksodas 33:16

?Sapos yu no go wetem mifala, hao nao olketa narafala pipol save dat yu hapi yet long mi an long olketa pipol blong yu? Bat sapos yu stap wetem mifala, bae hemi somaot dat mifala nao i deferen from evri narafala pipol long wol.”

Gudnius abaotem Jisas Kraes wea Jon hemi raetem 15:16

Yufala i no bin siusim mi ya bat mi nao mi siusim yufala. An mi makem yufala fo goaot an garem plande frut, diskaen frut wea hemi save stap olowe ya. An bae Dadi ya hemi givim kam enisamting wea yufala askem hem long nem blong mi.

Efesas 2:10

God nao hemi sevem yumi olsem, an bikos yumi stap joen wetem Jisas Kraes, hemi mekem yumi fo duim evri gudfala waka wea hemi mekredi long hem finis.

2 Timoti 2:19

Bat nomata olsem, God hemi putum finis gudfala faondesin long sios, an diswan hemi gohed fo stanap strong. An olketa toktok wea olketa raetem long faondesin ya hemi sei, “Masta hemi savegud long olketa pipol blong hem,” an nara toktok hemi sei olsem, “Olketa pipol hu i sei olketa nao pipol blong Masta, olketa mas lusim olketa ravis wei blong olketa.”

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

1 Pita 2:9

Bat yufala ya, God hemi siusim yufala finis kamap pipol blong hem. Hemi mekem yufala olketa prist blong King, an olketa holi pipol blong hem. Yufala nao olketa pipol blong God, wea hemi siusim fo talemaot olketa gudfala waka wea hemi duim. God hemi kolem yufala finis, an yufala bin kamaot from tudak an kam insaet long gudfala laet blong hem.

2 Pita 2:9

Olketa samting ya nao somaot dat olketa pipol hu i biliv long Masta, bae hemi save sevem olketa from olketa hadtaem wea i kam fo traem olketa. Bat bae hemi save panisim olketa hu i no stret, go-go kasem taem wea hemi jajem evriwan.