Sams 4:1 - Pijin Bible

¹ God, oltaem yu gohed fo saet wetem mi, so plis yu ansarem prea blong mi. Taem wea mi stap long trabol, yu bin gohed fo helpem mi. Nao plis yu kaen long mi, an herem kam prea blong mi.

Pijin Deuterocanon

¹ God, oltaem yu gohed fo saet wetem mi, so plis yu ansarem prea blong mi. Taem wea mi stap long trabol, yu bin gohed fo helpem mi. Nao plis yu kaen long mi, an herem kam prea blong mi.

Sams 4:1 Iomraidhean Croise

Stori abaotem Job 36:16

God bae hemi mekem yu kamaot from trabol, an bae hemi lukaftarem yu long gudfala ples. Bae hemi fulumapem tebol blong yu long olketa nambawan kaikai.

Sams 11:7

Yawe, hemi stret fogud, an hemi lavem olketa pipol hu i duim olketa gudfala waka. An olketa wea i duim olketa gudfala waka olsem nao, bae i go an stap wetem hem. (Singsing blong Deved. Hem nao fo singim wetem gita.)

Sams 116:16

Lod Yawe, mi wakaman blong yu olsem mami blong mi bifoa. Yu nao yu bin sevem mi from dae.

Sams 116:6

Hemi gohed fo gadem olketa hu i wik. Ya, hemi sevem mi taem trabol hemi kasem mi.

Sams 119:132

Plis yu luk kam long mi an sore long mi, olsem wea yu duim olowe fo olketa hu i lavem yu.

Sams 143:2

Plis yu no kotem mi hu mi wakaman blong yu fo jajem mi, bikos no eniwan long disfala wol hemi stret fogud long ae blong yu.

Sams 17:6

God, mi prea long yu bikos yu save herem mi. Plis yu herem kam olketa toktok blong mi.

Sams 22:1

!God blong mi! !Yu nao God blong mi! ?Waswe nao yu lusim mi? Mi krae go long yu, bat yu no helpem mi nao.

Sams 24:5

An olketa nao i stret long ae blong God, an bae hemi blesim olketa an hemi sevem olketa.

Sams 25:16

Plis yu luk kam long mi, an sore kam long mi, bikos mi no garem eni fren nao, an mi no strong tu.

Sams 31:8

Yu no save letem olketa enemi blong mi fo kasholem mi, yu mekem mi fri fo go nomoa long ples wea mi laek fo go long hem.

Sams 41:12

Mi save dat bae yu helpem mi, bikos mi duim olketa stretfala samting. An bae mi stap wetem yu olowe.

Sams 42:1

God, mi laekem tumas fo wosipim yu, olsem wanfala dia wea hemi barava dae fo wata an hemi laekem tumas fo dring long springwata.

Sams 45:1

Taem mi wakem disfala singsing blong king, tingting blong mi hemi fulap long olketa gudfala toktok. Tang blong mi hemi redi nomoa fo singsing, olsem pensel blong man wea hemi save raet gudfala tumas taem hemi raet long pepa.

Sams 56:1

God, plis yu sore kam long mi, bikos olketa man i gohed fo daonem mi nao, an oltaem olketa enemi i mekem mi safa.

Sams 57:1

God, yu sore long mi. Plis yu sore long mi bikos mi stap long bikfala trabol wea hemi olsem komburu. Mi kam fo haed long yu, fo stap gud olsem pikinini blong bed wea hemi haed andanit long wing blong mami blong hem, nao bae mi save stap gud go-go kasem taem wea komburu ya hemi finis.

Sams 6:1

Lod Yawe, taem yu kros, plis no tokstrong kam long mi. Nomata yu kros tumas long mi, plis no panisim mi.

Sams 67:1

God, plis yu sore kam long mifala, an blesim mifala. Plis yu gohed fo luk kam long mifala, an kaen long mifala,

Sams 76:1

Long Jiuda olketa pipol i savegud long God. An long Israel olketa tinghae long nem blong hem.

Aesaea 45:24

Bae pipol i talemaot dat mi nao mi strong, an wei blong mi nao hemi stret. Bat evriwan hu i heitem mi, bae i barava sem fogud.

Jeremaea 23:6

Long taem wea hemi rul olsem king, bae hemi sevem olketa blong mi long Jiuda, an olketa blong mi long Israel bae i stap sef. An nem blong hem wea bae olketa kolem hem, hemi olsem, ‘Yawe Sedekenu.’

Habakuk 3:19

Lod Yawe nao hemi mekem mi strong. An hemi kipim mi sef, mekem mi no save foldaon, olsem wea dia save ran long raf ples saet long maonten.

1 Korin 1:30

God nao hemi mekem yufala fo kamap joen wetem Jisas Kraes. An long Kraes nao hemi mekem yumi fo kamap barava waes, an fo kamap stret long ae blong hem seleva, an fo kamap olketa spesol pipol blong hem. Bikos Kraes nao hemi peimaot yumi from olketa sin blong yumi.

2 Korin 1:10

God hemi bin sevem mifala taem mifala kolsap dae, an bae hemi sevem mifala moa bihaen. Mifala biliv strong dat bae hemi gohed fo sevem mifala moa,

2 Korin 1:8

Olketa Kristin fren, mifala laekem yufala fo savegud long olketa trabol wea i bin kasem mifala long provins long Esia. Olketa samting ya i barava had tumas long mifala, go-go mifala tingse bae mifala evriwan dae nomoa.

1 Samuel 17:37

Yawe hemi bin gadem mi, mekem olketa laeon an bea i no spoelem mi. Hemi gadem mi plande taem finis, an bae hemi save gadem mi tu from disfala soldia blong Filistia.” Den Sol hemi tok olsem long Deved, “Yu go. Letem Yawe hemi stap wetem yu.”