Sams 39:5 - Pijin Bible

⁵ Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Pijin Deuterocanon

⁵ Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 39:5 Iomraidhean Croise

Jenesis 47:9

An hemi tok olsem, “Mi ya, mi 130 yia nomoa ya, an oltaem long laef blong mi, mi gohed fo muv from wanfala ples an go long narafala ples. Laef blong mi hemi no olsem laef blong olketa grani blong mi bifoa, wea olketa stap longtaem, an olketa go long evri ples. Laef blong mi hemi sotfala nomoa, an oltaem mi gohed fo faendem hadtaem.”

2 Samuel 19:34

Bat Basilae hemi tok olsem long king, “Bae mi no laef fo longtaem. ?An hao nao bae mi go wetem yu long Jerusalem?

Stori abaotem Job 7:6

Laef blong mi hemi gopas kuiktaem nomoa olsem wata wea hemi ran. Kolsap hemi finis nao an hemi samting nating nomoa.

Sams 144:4

Laef blong olketa hemi olsem nomoa smolfala win wea hemi blou fo lelebet taem den hemi finis. Ya, olketa i olsem nomoa sado wea hemi go pas.

Sams 39:11

Taem yu tokstrong long man fo panisim hem fo olketa sin blong hem, yu spoelem tu olketa samting wea hemi laekem tumas, olsem wea kokoros hemi save spoelem evrisamting. Ya hemi tru, man hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 62:9

Yu no save trastem olketa pipol bikos olketa save finis kuiktaem nomoa olsem lelebet win wea hem blou kam fo sot taem nomoa. Olketa risman an olketa puaman, evriwan i semsem nomoa. Ya, evriwan i samting nating nomoa. Sapos yu putum olketa long skel, olketa nating nomoa. Ya, olketa i olsem win nomoa.

Sams 89:47

Plis yu tingting kam long mi. Mi man nomoa ya, an laef blong mi hemi sotfala nomoa. Yu bin mekem mifala fo laef, an bihaen bae mifala evriwan i dae nomoa.

Sams 90:12

Plis yu mekem mifala fo save dat laef blong mifala hemi sot nomoa, mekem mifala tingting gudfala abaotem olketa wei blong yu.

Eklesiastes 1:2

Disfala Waes Tisa hemi tok olsem, “!Laef blong yumi, hemi no fitim tingting blong yumi! !Ya, evrisamting hemi barava no fitim wanem yumi tingim!”

Eklesiastes 2:11

Bat taem mi tingting gud long olketa samting wea mi bin duim an wea mi bin hadwaka tumas long hem, mi lukim dat olketa hadwaka blong mi ya hemi no fitim tingting blong mi. Hemi olsem wea mi bin aftarem nomoa win. Mi nating faendem nomoa eni gudfala samting long hem.

Aesaea 40:17

Long ae blong God, evri kantri long wol ya hemi olsem samting nating nomoa. Ya, long hem, evri pipol i olsem samting nating tu.

Jemes 4:14

!Sei olketa, no eniwan save wanem nao bae hemi hapen long hem tumoro! Laef blong yumi, hemi olsem smok nomoa wea hemi save kamaot fo lelebet taem, an bihaen hemi lus moa.

2 Pita 3:8

Olketa fren, wanfala samting nomoa yufala mas tingim. Long tingting blong Masta, 1,000 yia hemi olsem wanfala de nomoa, an wanfala de hemi olsem 1,000 yia.