Sams 38:6 - Pijin Bible

⁶ Olketa sin blong mi i daonem mi finis long graon nao. So mi gohed fo krae nomoa evri de, stat long moning go-go kasem tudak.

Pijin Deuterocanon

⁶ Olketa sin blong mi i daonem mi finis long graon nao. So mi gohed fo krae nomoa evri de, stat long moning go-go kasem tudak.

Sams 38:6 Iomraidhean Croise

Stori abaotem Job 30:28

Oltaem tingting blong mi hemi hevi, olsem wea mi stap nomoa insaet long tudak. Mi stanap kolsap long pipol hu i hipap tugeta, an singaot long olketa fo helpem mi.

Stori abaotem Job 7:5

Staka soa nao i kavaremap bodi blong mi, an olketa wom blong bluflae i fulap nao long olketa soa ya. Staka doti nao hemi kavaremap olketa soa ya. An staka nana tu hemi gohed fo kamaot long olketa soa ya.

Sams 107:17

Samfala long yumi i safa tumas, bikos olketa krangge fogud fo falom olketa ravis wei blong sin.

Sams 145:14

Oltaem hemi helpem olketa hu i garem trabol, an hemi mekem strong tingting blong olketa hu i kolsap fo givap finis.

Sams 31:10

Mi no strong nao, bikos mi krae tumas. Laef blong mi hemi sot tu, bikos mi safa olowe nomoa. Mi kamap wik nao from olketa trabol blong mi, an mi nating strong nao.

Sams 35:14

Ya, mi gohed fo prea fo olketa olsem wea mi save duim fo fren o brata blong mi. Bikos mi sore tumas fo olketa, mi gohed fo krae an stap kuaet nomoa long haos, olsem wea man hemi sore taem mami blong hem hemi dae.

Sams 42:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 42:9

God, yu nao yu strongfala sefples blong mi. ?Waswe nao yu fogetem mi? ?Waswe nao mi gohed fo safa long olketa nogud samting wea olketa enemi i duim long mi?

Sams 43:2

God, yu nao yu gad blong mi. ?Waswe nao yu lusim mi? ?Waswe nao mi gohed fo safa from olketa nogud samting wea olketa enemi i duim long mi?

Sams 57:6

Olketa enemi blong mi i putum finis wanfala net fo kasem mi, nao mi wari fogud. Olketa digim wanfala hol long rod fo mi, bat olketa seleva nomoa i foldaon long hem.

Sams 6:6

Mi barava sore fogud long taem wea mi krae. Evri naet, long taem ya wea mi krae, bed wetem pilo blong mi i tuwet fogud nao, long tias blong mi.

Sams 88:9

Mi safa tumas, an mi krae go-go tufala ae blong mi i no lukluk gud nao. Lod Yawe, evri de nomoa mi kol go long yu, an mi liftimap han blong mi fo prea long yu.

Aesaea 38:14

Mi krae an krae. Bat krae blong mi hemi wik nomoa, olsem wik voes blong kurukuru. An taem mi luk goap long heven, ae blong mi hemi kamap soa tu. O Masta. !Plis yu helpem mi! Trabol hemi kasem mi nao.