Sams 38:1 - Pijin Bible

¹ Lod Yawe, taem yu kros, plis yu no tokstrong long mi. Ya, taem yu kros tumas, plis yu no panisim mi.

Pijin Deuterocanon

¹ Lod Yawe, taem yu kros, plis yu no tokstrong long mi. Ya, taem yu kros tumas, plis yu no panisim mi.

Sams 38:1 Iomraidhean Croise

Sams 6:1

Lod Yawe, taem yu kros, plis no tokstrong kam long mi. Nomata yu kros tumas long mi, plis no panisim mi.

Sams 70:1

God, plis yu sevem mi. Lod Yawe, kam kuiktaem fo helpem mi.

Sams 88:7

Kros blong yu fo mi hemi barava hevi tumas long mi. Ya, hemi barava spoelem mi nao olsem wea olketa wev i kavarem mi finis.

Aesaea 27:8

Hemi kea tumas long yumi an hemi makem nomoa panis blong yumi. Wei wea hemi panisim yumi, hemi olsem wea hemi fosim yumi fo lusim lan blong yumi. Ya, paoa wea hemi yusim fo fosim yumi fo goaot, hemi olsem paoa blong hot win wea hemi blou strong kam from ist.

Aesaea 54:8

Fo lelebet taem nomoa mi bin kros long yufala an mi bin lusim yufala. Bat mi tinghevi long yufala olowe nao, an bae mi sore tumas long yufala.” Hem nao toktok blong Yawe hu hemi mekem yufala fri.

Jeremaea 10:24

Plis yu stretem laef blong mi, bat duim long stretfala wei nomoa. Sapos yu stretem mi long kros blong yu, bae mi kamap samting nating nomoa.

Jeremaea 30:11

Mi stap wetem yufala, an bae mi sevem yufala. Nomata mi spoelem finis olketa kantri wea mi fosim yufala fo go stap long hem, bat bae mi no spoelem yufala. Bae mi panisim yufala fitim wei wea yufala bin sin agensim mi, bat bae mi no mekem yufala safa tumas.” Hem nao mesij blong Yawe.

Habakuk 3:2

Lod Yawe. Mi herem finis nius abaotem olketa samting wea yu bin duim. So, mi barava tinghae long yu. Plis yu duim moa distaem olketa semkaen samting wea yu bin duim bifoa. Nomata yu kros long mifala, plis yu sore kam nomoa long mifala.

Diutronomi 9:19

Mi fraetem kros blong Yawe bikos hemi kros tumas olsem hemi redi fo kilim yufala dae. Bat Yawe hemi herem prea blong mi moa.