Sams 37:8 - Pijin Bible

⁸ Yu no kros, an yu no wari, tufala samting ya i wei fo mekem trabol hemi kasem yu nomoa ya.

Pijin Deuterocanon

⁸ Yu no kros, an yu no wari, tufala samting ya i wei fo mekem trabol hemi kasem yu nomoa ya.

Sams 37:8 Iomraidhean Croise

1 Kings 11:22

Den king hemi tok olsem, “?Waswe nao yu wande gobaek? ?Waswe, yu nidim enisamting wea yu no garem long hia?” Nao hemi ansa olsem, “Mi laek fo go hom nomoa.”

Stori abaotem Job 18:4

Disfala kros blong yu, hemi spoelem yu seleva nomoa ya. ?Waswe, yu tingse evriwan mas lusim disfala wol fo mekem yu hapi? ?Waswe, yu tingse God hemi mas tekemaot olketa maonten, fo mekem tingting blong yu gud?

Stori abaotem Job 5:2

Wei fo filnogud bae kilim krangge man. Joles tingting bae spoelem man i no garem save.

Sams 31:22

Mi fraet fogud, bikos mi tingse yu bin ronem mi aot finis from yu. Bat yu herem nomoa taem mi krae kam long yu fo yu helpem mi.

Provebs 14:29

Man no save kros kuiktaem, hemi waes fogud. Man save kros kuiktaem, hemi krangge fogud.

Provebs 16:32

Man hemi no kros kuiktaem, hemi strong winim nambawan soldia. Man save kontrolem kros blong hem, hemi strong winim man hu hemi save kontrolem wanfala taon long faet.

Jona 4:1

Bat Profet Jona hemi no hapi abaotem wei wea God hemi no panisim olketa, an hemi kros tumas.

Jona 4:9

Yawe hemi tok olsem long hem, “?Waswe, hemi stret nomoa fo yu kamap kros abaotem vaen tri ya?” Jona hemi ansarem hem olsem, “!Ya! !Hemi stret nomoa! !Mi kros tumas ya! !Hem nao mi wande dae!”

Efesas 4:26

“Sapos yufala filkros, yufala mas no letem kros blong yufala fo mekem yufala duim wanem hemi rong.” Yufala mas no gohed fo kros kasem taem san hemi godaon.

Efesas 4:31

Yufala mas lusim evri wei fo tingting nogud abaotem eniwan, an fo tingting fo spoelem eniwan, an fo kros long eniwan. An yufala mas lusim evri wei fo raoa, an fo toksuea, an fo garem enikaen nogud filing fo nara man.

Kolosi 3:8

Bat long distaem, yufala mas lusim evri ravis wei olsem moa. Yufala mas no kros long eniwan, an yufala mas no tingting fo spoelem nara pipol. An yufala mas no tokspoelem eniwan, an yufala mas no yusim eni ravis toktok,