Sams 37:30 - Pijin Bible

³⁰ Olketa toktok blong gudfala man hemi waes, an olketa samting wea hemi talem hemi stret.

Pijin Deuterocanon

³⁰ Olketa toktok blong gudfala man hemi waes, an olketa samting wea hemi talem hemi stret.

Sams 37:30 Iomraidhean Croise

Sams 71:15

Bae mi gohed fo tokabaotem olketa stretfala samting wea yu duim. An stat long moning go-go kasem long ivining, bae mi gohed fo tokabaotem paoa blong yu wea yu save sevem olketa pipol. Nomata mi no save gudfala long olketa, bat mi mas talemaot nao.

Sams 71:24

Oltaem, stat long moning go-go kasem long tudak, bae mi gohed fo tokabaotem olketa stretfala wei blong yu, bikos olketa wea i traem fo spoelem mi, yu bin winim olketa finis, an olketa sem nao. (Singsing blong Solomon.)

Provebs 10:20

Tok blong gud man, hemi olsem nambawan silva, Haat blong ravis man, hemi yusles.

Provebs 10:21

Tok blong gud man, helpem pipol, krangge man dae falom krangge blong hem.

Provebs 10:31

Toktok blong stret man, hemi talemaot waes tingting, bat olketa bae aotem tang blong man fo laea.

Provebs 15:7

Toktok blong waes man, hemi searemaot save, bat haat blong krangge man hemi no save duim olsem.

Provebs 27:9

Insens an naesfala oel save mekem yu hapi, bat fren hemi save mekem yu hapi moa.

Matiu 12:35

So gudfala man hu hemi garem gudfala tingting, hemi save duim olketa gudfala samting. Bat nogud man hu hemi garem ravis tingting, hemi save duim olketa ravis samting nomoa.

Efesas 4:29

Yufala mas no talem eni nogud toktok, bat yufala mas talem nomoa toktok wea hemi save helpem eniwan hu hemi garem nid. Kaen toktok ya nao hemi save blesim olketa hu i herem.

Kolosi 4:6

Oltaem, toktok blong yufala hemi mas gudfala, an hemi mas mekem olketa pipol fo intres long hem. An yufala mas savegud tu hao fo talem stret ansa long olketa evriwan.