Sams 33:3 - Pijin Bible

³ Hemi gud fo yufala mas singim wanfala niufala singsing long Yawe. Ya yufala mas ringim olketa gita ya gudfala, an singaot wetem olketa hapi singsing.

Pijin Deuterocanon

³ Hemi gud fo yufala mas singim wanfala niufala singsing long Yawe. Ya yufala mas ringim olketa gita ya gudfala, an singaot wetem olketa hapi singsing.

Sams 33:3 Iomraidhean Croise

1 Kronikols 13:8

Oraet, Deved an plande pipol blong Israel i barava dans fogud, an singsing fo liftimap nem blong God. An olketa gohed fo ringim olketa kaen gita, an tamborin, an smolfala dram, an simbol blong olketa.

1 Kronikols 15:22

Bikos Kenanaea hemi save tumas long miusik, olketa mekem hem lida long olketa man ya.

1 Kronikols 25:7

Olketa tuenti-foa man ya an olketa wantok blong olketa i barava save gudfala long miusik fo wosipim Yawe. An ful grup blong olketa ya i kasem 288 man.

2 Kronikols 34:12

Nao olketa wakaman i tinghevi tumas long waka ya. Fofala Livaet nao i bos long olketa. Fofala nao i olsem: Jahat an Obadaea, tufala long laen blong Merari, an Sekaraea an Mesulam, tufala long laen blong Kohat. Nao samfala Livaet hu i save long miusik,

Sams 144:9

God, bae mi singim wanfala niufala singsing long yu. Ya, bae mi ringim gita blong mi an mi singsing go long yu.

Sams 149:1

!Yumi preisim Yawe! Yumi mas singim wanfala niufala singsing long Yawe. Ya, yumi mas preisim hem taem yumi hu i tinghevi long hem i kam tugeta fo wosip.

Sams 40:3

Hemi tisim mi fo singim wanfala niufala singsing, mekem mi singim fo preisim God blong yumi. Taem olketa pipol i lukim dat mi singsing olsem, bae olketa tinghae long Yawe, an bae olketa trastem hem.

Sams 40:4

Olketa wea i trastem Yawe, an no save falom olketa laea god, an no save joenem olketa hu i wosipim olketa laea god ya, olketa ya nao i hapi.

Sams 96:1

!Yufala mas mekem wanfala niufala singsing fo preisim Yawe! !Evriwan long wol, yufala mas singsing long Yawe!

Sams 98:1

Yumi mas singim wanfala niufala singsing fo preisim Yawe bikos hemi bin duim olketa bikfala samting. Hemi winim finis olketa enemi blong hem long faet. Ya, hemi win long paoa blong hem wea hemi holi an hemi strongfala tumas.

Aesaea 42:10

!Evri pipol long wol wetem evrisamting wea hemi stap long hem! !Yumi singim wanfala niufala singsing fo preisim Yawe! Yufala hu i go long sip, yufala mas preisim hem. Yufala evrisamting wea hemi stap insaet long solwata, yufala mas preisim hem. Yufala long saetsi an long olketa farawe aelan, yufala evriwan mas preisim hem.

Efesas 5:19

An taem yufala Kristin hipap tugeta, yufala mas gohed fo singim olketa Sam, an olketa singsing blong lotu, an olketa nara singsing wea Holi Spirit hemi givim kam. Yufala mas singsing an preisim Masta long haat blong yufala.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Revelesin 14:3

Olketa 144,000 pipol ya olketa stanap long frant long God wea hemi sidaon long tron, an long frant long fofala animol an olketa bikman ya. An olketa pipol ya i gohed fo singim wanfala niufala singsing wea no eni man moa hemi save long hem. Olketa pipol ya hu God hemi bin peimaot olketa finis from pipol long wol, olketa nomoa i save singim.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.