Sams 33:11 - Pijin Bible

¹¹ Bat olketa plan blong Yawe i gohed fo stap strong olowe. Ya, plan blong hem hemi no save finis.

Pijin Deuterocanon

¹¹ Bat olketa plan blong Yawe i gohed fo stap strong olowe. Ya, plan blong hem hemi no save finis.

Sams 33:11 Iomraidhean Croise

2 Kings 19:25

“!King Senakerib! ?Waswe, yu no save yet? Mi Yawe nao bin planem diswan longtaem kam, mekem yu duim olketa samting ya, an distaem mi mekem plan ya fo hapen. Mi nao mi givim paoa long yu fo spoelem olketa taon ya wea i garem wolston raonem, mekem olketa kamap bikfala hip ston nomoa.

Stori abaotem Job 23:13

Hemi no save sens, an no eniwan save sensim tingting blong hem. An no eniwan save stopem hem from wanem hemi laek fo duim.

Sams 92:5

Lod Yawe, olketa waka blong yu hemi barava bikfala tumas, an olketa tingting blong yu tu hemi had tumas fo mifala save long hem.

Provebs 19:21

Pipol planem plande plan, bat plan blong Yawe nomoa hemi kamap.

Eklesiastes 3:14

Mi save dat evrisamting God hemi duim bae hemi stap olowe an hemi no save finis. No eniwan save adem enisamting long hem, an no eniwan save tekemaot enisamting from hem. Evrisamting wea God hemi duim hemi stret fogud, mekem yumi tinghae long hem.

Aesaea 14:24

Yawe hu hemi garem evri paoa hemi mekem wanfala strongfala promis olsem, “!Plan blong mi bae hemi mas kam tru! !Evrisamting wea mi laek fo duim, bae hemi mas hapen nao!

Aesaea 14:27

Taem Yawe hu hemi garem evri paoa hemi mekem plan blong hem, no eniwan save stopem. An taem hemi liftimap han blong hem fo panisim olketa pipol ya, no eniwan save stopem hem tu.

Aesaea 46:10

Longtaem bifoa yet, mi talemaot finis olketa samting wea hemi hapen. Longtaem bifoa, mi talemaot finis olketa samting wea bae hemi hapen bihaen. Mi talem finis dat olketa plan blong mi bae hemi kam tru, an bae mi duim evrisamting wea mi laekem.

Jeremaea 29:11

Mi talem yufala tru nao. Yufala mas save dat mi mekem finis gudfala plan fo yufala. Mi laek fo yufala stap gudfala olowe, mekem trabol no save kasem yufala. Mi laekem yufala fo trastem mi fo mekem laef blong yufala fo kamap gudfala moa.

Lamentesin 3:37

?Waswe, man save mekem enisamting fo hapen, sapos Masta ya hemi no letem?

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Maeka 4:12

Olketa ya i gohed fo toktok olsem, bat olketa nating save long tingting blong Yawe. Olketa nating save dat hem nao hemi kolem olketa fo hipap kam long ples ya, mekem hemi save panisim an barava spoelem olketa. Bae hemi olsem wea man hemi hipimap olketa sid blong wit, mekem buluka hemi step long hem fo klinimaot olketa skin.

Aposol 15:18

Hem nao toktok blong Masta, wea hemi bin mekem olketa pipol fo save long olketa samting ya, long bifoa kam.’”

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.