Sams 33:10 - Pijin Bible

¹⁰ Yawe hemi gohed fo blokem wanem olketa pipol long olketa narafala kantri i laekem. An hemi gohed fo stopem olketa fo no wakem olketa plan blong olketa ya.

Pijin Deuterocanon

¹⁰ Yawe hemi gohed fo blokem wanem olketa pipol long olketa narafala kantri i laekem. An hemi gohed fo stopem olketa fo no wakem olketa plan blong olketa ya.

Sams 33:10 Iomraidhean Croise

Jenesis 11:8

Nao Yawe hemi mekem olketa fo lusim ples ya, an mekem olketa fo go stap olobaot long evri ples long wol, an olketa no wakem taon ya moa.

2 Samuel 15:31

An taem king hemi herem dat Ahitofel hemi bin joenem olketa hu i gohed fo sapotem Absalom, hemi prea olsem, “!Lod Yawe, plis yu mekem olketa advaes blong Ahitofel i kamap krangge!”

2 Samuel 15:34

Bat yu save barava helpem mi sapos yu gobaek long taon an laea long Absalom olsem, ‘O king, Mi wakaman blong yu nao. Olsem mi bin wakaman blong dadi blong yu, distaem mi save waka fo yu.’ Den long disfala wei yu save mekem olketa toktok blong Ahitofel fo kamap samting nating nomoa.

2 Samuel 17:14

Den Absalom wetem olketa soldia blong Israel i tok olsem, “Plan blong Husae hemi gudfala winim plan blong Ahitofel.” Olketa ting olsem bikos Yawe hemi garem tingting finis fo spoelem gudfala plan blong Ahitofel an mekem bikfala trabol fo kam kasem Absalom.

2 Samuel 17:23

Taem Ahitofel hemi save dat olketa no falom plan blong hem, hemi redim dongki blong hem, an hemi raedem gobaek long hom blong hem. Den hemi stretem evri bisnis blong hem. Bihaen hemi tekem rop, an hemi go hangem hem seleva dae. An olketa famili blong hem i berem hem long beregraon blong olketa.

2 Kings 6:9

Bat wea, evritaem Elaesa hemi sendem toktok go long king blong Israel olsem, “Bae yufala mas no go kolsap long ples olsem, bikos samfala soldia blong Siria go long dea fo faetem yumi.”

Nehemaea 4:9

Bat mifala gohed fo prea long God blong mifala, an mifala putum olketa sekiuriti fo gadem ples ya long de an long naet, mekem mifala save redi taem olketa kam.

Sams 140:8

Lod Yawe, plis yu no givim wanem olketa ravis pipol ya i laekem. Ya, plis yu no letem olketa ravis plan blong olketa fo gohed.

Sams 21:11

Olketa save mekem olketa plan fo agensim yu, bat bae olketa no save win.

Sams 9:15

Olketa hiden pipol i bin digim wanfala hol, bat olketa seleva nomoa i foldaon insaet. Trap blong olketa seleva nao, hemi kasem olketa moa.

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Aesaea 19:3

Bae tingting blong olketa pipol blong Ijip hemi kamap wik an bae mi spoelem evri plan blong olketa. An bae olketa go fo prea long olketa laea god fo helpem olketa. Bae olketa pipol i go fo lukim olketa majik man, an olketa hu i garem grinlif o save tok wetem olketa pipol hu i dae finis.

Aesaea 44:23

(Profet) !Yufala evrisamting long skae an evrisamting long wol! !Yufala mas hapi an singsing! !Yufala olketa maonten an evri tri long hem! !Yufala tu mas hapi an singaot bikfala! Yufala mas mekhae long Yawe, bikos hem nao hemi mekem olketa pipol blong hem fo kamap fri, an hemi somaot bikfala paoa blong hem long olketa blong Israel.

Aesaea 44:25

Mi nao mi mekful long olketa pipol hu i laea an trae fo talemaot wanem bae hemi hapen. Olketa man hu i lukluk long olketa sta, an trae fo talemaot olketa samting wea bae hemi hapen, mi nao mi mekem toktok blong olketa fo go krangge. Mi nao mi daonem toktok blong olketa waes man, fo somaot dat toktok blong olketa hemi krangge nomoa.

Jeremaea 19:7

“‘An long disfala ples, bae mi spoelem olketa plan blong olketa blong Jiuda an Jerusalem. Bae mi mekem olketa enemi blong olketa fo kilim olketa dae long faet. An olketa bodi ya, bae mi givim olketa long olketa bed an olketa wael animol fo kaikaim.

Esikiel 20:32

“Yufala gohed nomoa fo tok olsem, ‘Mifala laek fo kamap olsem pipol long olketa narafala kantri hu i wosipim olketa tri an olketa ston.’ Bat wanem yufala tingim, bae hemi kanduit hapen.

Malakae 1:4

Sapos olketa blong Idom hu i bon kam bihaen long Iso i tok olsem, ?Nomata olketa taon blong yumi i smas finis long graon, bat yumi save wakembaek moa.? Bat bae Yawe hu hemi garem evri paoa, hemi tok olsem, ?Sapos olketa bildimbaek moa, bae mi spoelem nomoa. An bae pipol i kolem Idom long nem ya ?Ples blong Sin,? an olketa kolem tu olketa blong Idom ?Pipol wea Yawe hemi kros long olketa olowe.?