Sams 32:3 - Pijin Bible

^3-5 Taem mi no talemaot olketa sin blong mi long yu, mi barava wik fogud, bikos mi gohed fo krae nomoa evri de, go-go kasem tudak. Long de an long naet, yu gohed fo panisim mi. An strong blong mi hemi lus finis nao, olsem wata wea bikfala san hemi hotem an draemap finis. Nao mi tok olsem, “Bae mi talemaot sin blong mi long Yawe.” So mi talemaot olketa sin blong mi long yu, an mi no haedem moa olketa nogud samting wea mi bin duim. Plis yu fogivim mi an tekemaot olketa sin blong mi.

Pijin Deuterocanon

^3-5 Taem mi no talemaot olketa sin blong mi long yu, mi barava wik fogud, bikos mi gohed fo krae nomoa evri de, go-go kasem tudak. Long de an long naet, yu gohed fo panisim mi. An strong blong mi hemi lus finis nao, olsem wata wea bikfala san hemi hotem an draemap finis. Nao mi tok olsem, “Bae mi talemaot sin blong mi long Yawe.” So mi talemaot olketa sin blong mi long yu, an mi no haedem moa olketa nogud samting wea mi bin duim. Plis yu fogivim mi an tekemaot olketa sin blong mi.

Sams 32:3 Iomraidhean Croise

2 Samuel 11:27

An taem olketa de fo sore blong hem hemi finis, king hemi sendem toktok go long hem, mekem hemi kam long haos blong hem. Den hemi kamap waef blong king, an bihaen hemi bonem wanfala boe. Bat Yawe hemi barava les tumas long samting wea Deved hemi duim.

Stori abaotem Job 3:24

Krae blong mi nao hemi olsem kaikai blong mi. Ya, mi krae olowe nomoa olsem wata wea hemi ran.

Stori abaotem Job 30:17

Long naet, hemi olsem pein hemi kaikaim olketa bon blong mi. Disfala pein insaet long bodi blong mi, hemi nating save stop nao.

Stori abaotem Job 30:30

Bodi blong mi hemi barava hot tumas long fiva. An skin blong mi hemi nogud an hemi stat fo kamaot.

Sams 22:1

!God blong mi! !Yu nao God blong mi! ?Waswe nao yu lusim mi? Mi krae go long yu, bat yu no helpem mi nao.

Sams 38:3

Bodi blong mi hemi barava filnogud tumas nao, bikos yu kros long mi. Ya, bodi blong mi hemi kamap nogud tumas from olketa sin blong mi.

Sams 38:8

Mi barava wik fogud an dae blong mi hemi kam kolsap nao. Ya, mi filim bodi blong mi hemi barava soa tumas, hem nao mi krae.

Sams 51:8

Plis yu letem mi herem saon blong olketa wea i hapi an gohed fo singsing. Nomata yu bin daonem mi finis, plis yu mekem mi hapi moa.

Sams 6:2

Lod Yawe, plis yu sore kam long mi, bikos mi barava wik fogud. Plis yu mekem mi strong moa, bikos mi barava taet fogud nao.

Provebs 17:22

Man hemi hapi, laef hemi helti. Man hemi filnogud, laef hemi bagarap.

Provebs 28:13

Yu haedem sin blong yu, laef blong yu bae nogud. Bat yu talemaot sin blong yu an lusim hem, God bae kaen long yu.

Aesaea 51:20

Yufala gohed fo foldaon olobaot nomoa falom olketa rod long taon, bikos yufala wik tumas. Yufala olsem wanfala dia wea hemi pas insaet long trap. Disfala kros blong Yawe God blong yufala, hemi barava kasem yufala nao.

Aesaea 57:17

Mi bin kros long yufala bifoa, bikos yufala bin gohed fo sin an gridi tumas. Hem nao mi panisim yufala, an mi lusim yufala. Bat nomata olsem, yufala bikhed tumas an falom nomoa olketa nogud wei blong yufala seleva.

Aesaea 59:11

Mifala fraet tumas, an mifala filnogud tumas tu. Oltaem nomoa, mifala barava laekem yu fo sevem mifala, bat hemi nating hapen.

Lamentesin 1:3

Olketa enemi i spoelem pipol blong Jiuda, an fosim olketa fo lusim lan blong olketa. Distaem olketa stap long olketa narafala kantri, wea olketa no save kolem olsem hom. Olketa enemi i holem olketa, mekem olketa no save ranawe.

Lamentesin 3:4

Panis ya blong hem hemi mekem mit an skin blong mi i olsem oloman, an hemi brekem olketa bon blong mi.

Lamentesin 3:8

Nomata mi kraeaot go long hem, bat hemi les fo lisin long prea blong mi.

Hosia 7:14

Olketa prea long mi nomoa long maos blong olketa, bat hemi nating kamaot nomoa long haat blong olketa. Taem olketa gohed fo prea kam long mi, olketa gohed fo krae an torowem olketa seleva daon long graon. Taem olketa prea kam fo mi givim kaikai an waen long olketa, olketa gohed fo katem bodi blong olketa olsem wea olketa hiden pipol i duim. Olsem, olketa gohed fo agensim mi nao ya.

1 Samuel 31:13

An olketa tekem olketa bon blong fofala an berem long tamaris tri long Jabes. Nao olketa no kaikai fo sevenfala de.