Sams 31:23 - Pijin Bible

²³ Yufala hu i tinghevi long Yawe, yufala mas lavem hem. Yawe hemi gohed fo lukaftarem gudfala long olketa pipol wea tingting blong olketa hemi stap strong long hem. Bat hemi gohed fo panisim olketa praod pipol, fitim olketa sin blong olketa.

Pijin Deuterocanon

²³ Yufala hu i tinghevi long Yawe, yufala mas lavem hem. Yawe hemi gohed fo lukaftarem gudfala long olketa pipol wea tingting blong olketa hemi stap strong long hem. Bat hemi gohed fo panisim olketa praod pipol, fitim olketa sin blong olketa.

Sams 31:23 Iomraidhean Croise

Sams 145:10

Lod Yawe, evrisamting wea yu mekem bae i preisim yu, an evriwan hu i tinghevi long yu bae i talem tengkiu long yu.

Sams 145:20

Bae hemi spoelem finis olketa nogud pipol, bat hemi lukaftarem evriwan hu i lavem hem.

Sams 30:4

!Preisim Yawe, yufala hu i tinghevi long hem! Yufala mas preisim holi nem blong hem.

Sams 34:9

Yufala evri pipol blong Yawe, yufala mas tinghae long hem. Olketa wea i gohed fo tinghae long hem, olketa garem evrisamting wea olketa nidim.

Sams 54:5

Hemi gud fo God hemi panisim olketa enemi ya, long olketa ravis wei blong olketa seleva, Mi laek fo hemi spoelem olketa finis, bikos hemi kipim promis blong hem olowe.

Sams 89:7

Yu nao yu God wea evri enjel long heven mas fraetem yu an mekhae long yu. Ya, yu nao yu hae tumas winim olketa evriwan. Dastawe nao olketa barava mekhae long yu.

Sams 94:2

Yu nao yu jajem evri pipol. So plis yu panisim olketa praod pipol, falom wanem olketa duim rong.

Sams 97:10

Yawe hemi lavem tumas olketa hu i heitem olketa ravis wei, an hemi gadem laef blong olketa hu i tinghevi long hem. Ya, hemi sevem olketa from paoa blong olketa nogud pipol.

Aesaea 38:10

Mi tingse wea long midol long laef blong mi, bae mi mas gotru olketa geit blong Grev. An olketa narafala yia long laef blong mi sud sot nomoa.

Aesaea 56:6

An yufala olketa pipol blong olketa narafala kantri hu i bin promis fo falom mi, an hu i lavem mi an waka fo mi, an hu i kipim Sabat de, an oltaem yufala kipim olketa toktok long spesol agrimen blong mi,

Esikiel 37:11

Yawe hemi tok moa olsem long mi, “Man blong graon. Olketa pipol blong Israel i olsem olketa bon ya. Olketa tok olsem, ‘Mifala givap finis nao, hemi olsem mifala dae finis. Tingting blong mifala i wikdaon fogud bikos kantri ya hemi kamap nogud tumas.’

Gudnius abaotem Jisas Kraes wea Mak hemi raetem 12:23

?Nao long taem wea evriwan i laefbaek moa, bae woman ya hemi barava waef blong hu nao long olketa ya? Bikos sevenfala brata ya nao evriwan bin maritim disfala woman ya.”

Diutronomi 10:12

Nao Mosis hemi gohed fo tok olsem, “Pipol blong Israel. ?Wanem nao Yawe, God blong yufala, hemi laekem yufala fo duim? Yufala mas tinghae long hem, an yufala mas falom olketa wei blong hem, an yumi mas lavem hem. An yufala mas yusim evri tingting blong yufala an evri save blong yufala fo tinghevi long hem.

Diutronomi 30:16

Mi tokstrong long yufala distaem, yufala mas lavem Yawe, God blong yufala. Yufala mas falom olketa wei blong hem an obeim olketa rul an olketa tising an olketa lo blong hem. Sapos yufala obeim, bae hemi mekem yufala fo garem gudfala laef, an yufala save kamap plande tumas, an bae hemi blesim yufala long lan wea bae yufala go long hem fo onam.

Diutronomi 32:41

bae mi tekem naef fo faet blong mi wea hemi saen fogud. Bae mi sapanem hem go-go hemi sap tumas. Den bae mi sensimbaek long olketa enemi blong mi, an bae mi panisim olketa hu i heitem mi.

Diutronomi 33:3

Hemi tru nao, Yawe hemi lavem pipol blong hem. Hemi barava lukaftarem yufala hu i tambu pipol blong hem. So yufala kam, yufala baodaon long hem, an hemi tisim yufala.

1 Tesalonaeka 4:1

Olketa Kristin fren, mifala talem yufala finis abaotem watkaen laef nao yufala mas falom fo mekem God hemi hapi tumas long yufala. Hem nao disfala laef wea yufala falom kam kasem distaem. Bat long nem blong Jisas Masta blong yumi, mifala talem strong long yufala fo traehad fo falom gud disfala laef ya.

Jiud 1:1

Mi Jiud, wea mi wakaman blong Jisas Kraes an mi brata blong Jemes. Mi raet go long yufala evri pipol wea God hemi siusim yufala. God Dadi blong yumi hemi lavem yufala tumas, an Jisas Kraes tu hemi lukaftarem yufala gudfala.

Revelesin 18:6

Bat taem yufala sensimbaek, yufala mas dabolem olketa samting wea hemi bin duim long yufala. Dring wea hemi givim long yufala, yufala mas dabolem moa strong blong hem an givimbaek fo hemi dringim.

1 Samuel 2:9

Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.