Sams 3:2 - Pijin Bible

² Olketa tok olsem abaotem mi, “Bae God hemi no save helpem hem.”

Pijin Deuterocanon

² Olketa tok olsem abaotem mi, “Bae God hemi no save helpem hem.”

Sams 3:2 Iomraidhean Croise

Sams 124:2

“Nomata olketa enemi i bin kros tumas long yumi, olketa no save faetem yumi an spoelem yumi nogud, bikos Yawe nao hemi saet wetem yumi.

Sams 22:7

Evriwan wea i lukim mi, olketa gohed fo toktok nogud long mi, an olketa gohed fo mekfan long mi, an olketa gohed fo spit long mi an olketa gohed fo luk raf long mi.

Sams 3:4

Mi krae kam long yu mekem yu helpem mi. An yu stap kam long holi maonten blong yu, an yu gohed fo ansarem mi.

Sams 3:8

Paoa fo sevem olketa pipol hemi stap long yu nomoa. Mi laekem yu fo blesim olketa pipol blong yu. (Singsing blong Deved. Hem nao hemi fo singim wetem gita.)

Sams 4:2

?Fo hao long nao bae yufala gohed fo tokspoelem mi? ?An fo hao long nao bae yufala gohed fo laekem olketa samting wea i nogud? ?An fo hao long nao bae yufala gohed fo aftarem olketa laea wei?

Sams 4:4

Sapos yufala filkros, yufala mas no letem kros blong yufala fo mekem yufala duim wanem hemi rong. Yufala mas tingting gudfala abaotem samting ya, taem yufala stap kuaet long bed blong yufala.

Sams 42:10

Olketa ravis toktok blong olketa hemi spoelem mi tumas nao. Oltaem olketa enemi i tokspoelem mi olsem, “?Wea nao God blong yu ya?”

Sams 42:3

Mi gohed fo krae long de an long naet, tias blong mi nomoa hemi olsem kaikai blong mi. Oltaem olketa enemi blong mi i mekfan long mi, an olketa tok olsem, “?Wea nao God blong yu ya?”

Sams 71:11

Olketa tok olsem, “!God hemi lusim hem finis! !Yumi ronem hem an kasholem hem! !Hemi no garem eniwan fo sevem hem!”

Habakuk 3:13

Yu bin kam fo sevem olketa pipol blong yu, an fo sevem king wea yu bin siusim. Yu bin step long lida blong olketa ravis pipol, an spoelem finis olketa pipol blong hem.

Habakuk 3:3

Holi God hemi kam from Idom, an from olketa hil long Paran. Saen long bikfala paoa blong hem hemi kavarem skae. An evri pipol long disfala wol i gohed fo mekhae long hem.

Habakuk 3:9

Yu bin redi fo pulum bou blong yu, an redim olketa aro fo obeim yu. Yu bin mekem olketa riva fo ran bikfala wea olketa brekem graon.