Sams 27:13 - Pijin Bible

¹³ Mi save finis wea bae mi laef yet go-go mi lukim, wea Yawe bae hemi mekem disfala laef fo hemi kamap gudfala moa.

Pijin Deuterocanon

¹³ Mi save finis wea bae mi laef yet go-go mi lukim, wea Yawe bae hemi mekem disfala laef fo hemi kamap gudfala moa.

Sams 27:13 Iomraidhean Croise

Stori abaotem Job 28:13

No eniwan hemi save long wei fo faendem waes tingting. Hemi had tumas fo faendem hem long wol.

Stori abaotem Job 33:30

Oltaem, no letem pipol godaon insaet long grev, an hemi mekem laet blong hem fo saen go long olketa.

Sams 142:5

Lod Yawe, mi kol kam long yu. Plis yu helpem mi, bikos yu nao yu sefples blong mi. Yu nomoa yu evrisamting wea mi garem long disfala laef.

Sams 142:6

Plis yu herem kam prea blong mi fo help, bikos tingting blong mi hemi wikdaon finis nao. Plis yu sevem mi bikos olketa enemi ya i strong tumas fo mi.

Sams 31:19

!Lod Yawe, yu gudfala tumas! Long ae blong olketa pipol long wol, yu bin gohed fo givim olketa gudfala samting long olketa pipol wea i tinghae long yu an i trastem yu fo sevem olketa.

Sams 42:5

?Waswe nao mi sore tumas olsem? ?Waswe nao mi wari tumas? Bae mi we-weit an trastem yu nomoa, an bae mi preisim yu moa God blong mi wea yu save sevem mi.

Sams 52:5

Dastawe bae God hemi spoelem yu olowe nao. Bae hemi kam an hemi tekem yu aot from hom blong yu. Ya, bae hemi finisim laef blong yu from disfala wol.

Sams 56:13

bikos yu nao yu sevem mi from dae, an yu no letem mi lus. So bae mi gohed fo wakabaot wetem yu, ya, bae mi wakabaot long laet wea hemi saen long olketa hu i garem laef. (Singsing blong Deved. Hemi wakem bihaen long taem wea hemi ranawe long Sol, an hemi go haed long kev.)

Sams 56:3

Lod Yawe, yu garem olketa paoa, taem mi fraet mi trastem yu.

Aesaea 38:11

Mi tingse wea long disfala wol, bae mi no save lukim moa Yawe. An mi no save lukim tu olketa pipol hu i stap long disfala wol.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Jeremaea 11:19

Mi no save olketa mekem ravis plan ya agensim mi. Mi olsem wanfala smol sipsip nomoa, wea olketa tekem go fo kilim hemi dae. Olketa bin gohed fo tok olsem, “Yufala kam, yumi katemdaon disfala tri an spoelem olketa frut blong hem. Yumi kilim hem dae, mekem olketa pipol no save tingim hem moa.”

Esikiel 26:20

An bae mi sendem yufala godaon long ples blong olketa man dae, mekem yufala joenem olketa hu i dae finis longtaem bifoa kam yet. Bae mi mekem yufala godaon fo stap olowe nao wetem olketa man dae insaet long graon, olsem olketa taon wea i kamap nogud finis. An bae yufala nating save laef baek moa from dae ya.

2 Korin 4:1

God hemi sore an kaen tumas long mifala fo givim disfala waka, so mifala no save givap long disfala waka.

2 Korin 4:16

Dastawe mifala no givap long waka. Nomata bodi blong mifala hemi go-go fo dae, bat tru laef blong mifala hemi gohed fo kamap niu moa evri de.

Efesas 2:8

Bikos taem yufala biliv, kaenfala lav blong God nao hemi sevem yufala. Diswan hemi no hapen bikos eniwan long yufala hemi duim gudfala waka fo hem. Nomoa ya. God seleva nomoa hemi duim fri fo sevem yufala, mekem no eniwan hemi save tokpraod long hem.