Sams 24:8 - Pijin Bible

⁸ ?Hu nao disfala king wea hemi hae fogud ya? !Hem nao Yawe ya, hu hemi strong, an hemi garem paoa! !Hem nao Yawe ya, hu hemi winim faet olowe!

Pijin Deuterocanon

⁸ ?Hu nao disfala king wea hemi hae fogud ya? !Hem nao Yawe ya, hu hemi strong, an hemi garem paoa! !Hem nao Yawe ya, hu hemi winim faet olowe!

Sams 24:8 Iomraidhean Croise

Sams 50:1

Yawe, hemi God hu hemi garem evri paoa. Hemi sendemaot toktok blong hem fo go long evri ples long wol, stat long ist go kasem west, mekem evri pipol i kam tugeta.

Sams 93:1

!Lod Yawe, yu nao yu king! Ya, hae nem blong yu an paoa blong yu nao hemi mekem yu kamap king. Yu bin mekem disfala wol ya, wea hemi stap strong long ples blong hem an hemi no save muv.

Eksodas 15:3

Yawe, hemi wanfala strongman fo faet. An nem blong hem nao, Yawe.

Aesaea 9:6

Ya, mifala hapi tumas bikos wanfala pikinini boe hemi bon kam fo mifala. Lod Yawe, yu nao yu givim kam disfala pikinini fo mifala. An hem nao bae hemi rul ovarem mifala. Bae olketa kolem hem, Nambawan Man fo givim gudfala tingting, an God hu hemi strong tumas, an Dadi hu hemi stap olowe, an Bikman fo mekem Piis.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

Revelesin 6:2

Mi luk go nomoa, an mi lukim wanfala waet hos hemi kamaot. An man wea hemi sidaon antap long hem, hemi holem wanfala bou an aro, an olketa givim hem wanfala kraon fo putum long hed blong hem. Hemi raed go long hos ya olsem man hu hemi winim faet finis, an hemi go fo winim nara faet blong hem moa.