Sams 22:31 - Pijin Bible

³¹ Bae olketa ya i tok olsem long olketa pipol wea bae i bon kam bihaen, “Yawe hemi sevem finis olketa pipol blong hem.” (Singsing blong Deved.)

Pijin Deuterocanon

³¹ Bae olketa ya i tok olsem long olketa pipol wea bae i bon kam bihaen, “Yawe hemi sevem finis olketa pipol blong hem.” (Singsing blong Deved.)

Sams 22:31 Iomraidhean Croise

Sams 102:18

Yumi mas raetemdaon olketa samting wea Yawe hemi bin duim, mekem olketa pipol wea bae i bon kam bihaen i save ridim an preisim hem, Ya, yumi raetem olsem,

Sams 40:9

Lod Yawe, long ae blong olketa pipol hu i hipap fo wosipim yu, mi talemaot gudnius ya wea yu bin sevem mifala. An yu save dat bae mi gohed fo talemaot samting ya olowe nao, an mi no save res.

Sams 78:6

Hemi duim olsem mekem olketa wea bae i bon kam bihaen save lanem olketa lo ya, an bae olketa tu i save talemaot long olketa pikinini blong olketa.

Sams 86:9

Yu nao yu mekem evri pipol long evri kantri, bae olketa kam an baodaon long yu fo preisim hae nem blong yu.

Aesaea 53:10

Yawe hemi tok moa olsem, “Plan blong mi nao, fo disfala man mas safa an dae. Dae blong hem ya, hemi wanfala sakrifaes fo mekem kompensesin, mekem hemi save lukim olketa hu bae i bon kam bihaen long hem. Bae laef blong hem hemi longfala, an from olketa samting wea hemi duim, bae plan blong mi hemi kamap tru nao.

Aesaea 54:1

Hem ya toktok blong Yawe. Hemi tok olsem, “!Olketa pipol blong mi! Ka-kam kasem distaem, yufala bin olsem woman hu hemi no save bonem pikinini, bat distaem yufala save hapi an singsing bikfala. An nomata yufala bin olsem disfala woman wea hasban blong hem hemi lusim, bae mi blesim yufala tumas, winim woman hu hemi garem hasban an save bonem pikinini.

Aesaea 60:4

!Yufala luklukraon an lukim wanem hemi gohed fo hapen! Olketa evriwan i hipap nao fo kam long yufala. Olketa hu i bon kam long laen blong yufala bae i kambaek from olketa farawe ples, nomata olketa pipol mas karim olketa kam, olsem olketa smolfala pikinini nomoa.

Leta wea Pol hemi raetem go long sios long Rom 1:17

Gudnius ya, hemi somaot disfala wei wea God hemi mekem olketa pipol stret long ae blong hem. Disfala wei nao hemi stat long biliv an hemi finis long biliv tu. Olsem hemi talem finis insaet long Buktambu, “Man hu hemi biliv, bae hemi stret long ae blong God an bae hemi garem tru laef.”

2 Korin 5:21

Kraes hemi no garem eni sin. Bat fo helpem yumi, God hemi mekem Kraes nao fo karim sin blong yumi. Long wei ya nao, hemi mekem yumi hu i stap joen wetem Kraes fo kamap stret olsem God.