Sams 22:3 - Pijin Bible

³ Bat yu God nao yu barava holi, an yu gohed fo sidaon long holi tron blong yu, an bae mifala olketa laen blong Israel, i gohed fo preisim yu.

Pijin Deuterocanon

³ Bat yu God nao yu barava holi, an yu gohed fo sidaon long holi tron blong yu, an bae mifala olketa laen blong Israel, i gohed fo preisim yu.

Sams 22:3 Iomraidhean Croise

Stori abaotem Job 19:7

Nomata mi singaot mekem samwan hemi sevem mi, bat no eniwan hemi ansarem mi nomoa. An taem mi singaot fo samwan hemi helpem mi, bat no eniwan hemi duim eni stretfala samting fo mi.

Stori abaotem Job 30:20

God, mi krae go long yu, bat yu nating ansarem mi nomoa. Mi stanap fo prea go long yu, bat yu lukluk nomoa long mi.

Sams 145:17

Evrisamting wea Yawe hemi duim hemi stret fogud, an evrisamting wea hemi duim, hemi somaot dat hemi tinghevi tumas long yumi.

Sams 50:23

Ya, yufala lisin kam gudfala. Eniwan hu hemi tengkiu long mi, hem nao hemi barava sakrifaes fo mekhae long mi. An bae mi sevem evriwan hu i obeim mi.” (Singsing blong Deved. Hemi wakem bihaen long taem ya profet Natan hemi toktok long hem bikos hemi slip wetem Batseba, waef blong Yuraea.)

Sams 65:1

God, hemi stret fo mifala preisim yu long Saeon, Ya, hemi gud fo mifala kipim olketa promis blong mifala long yu,

Sams 88:2

Hemi gud sapos yu herem kam prea blong mi. Mi krae kam long yu fo yu helpem mi, so plis yu lisin kam long mi.

Sams 99:9

Yumi mas preisim Yawe God blong yumi hu hemi holi, hem nao yumi mas wosipim hem long holi maonten blong hem.

Aesaea 6:3

Olketa gohed fo singsing bikfala tugeta olsem, “!Yawe hu hemi garem evri paoa, hemi barava holi tumas! Bikfala paoa blong hem hemi saen long evri ples long wol.”

Habakuk 1:2

(Profet) !O Yawe! ?Fo hao long nao bae yu no lisin kam nomoa long mi, taem mi gohed fo kraeaot go long yu fo helpem mifala? ?Fo hao long nao bae yu no sevem mifala, taem olketa nogud pipol i gohed fo barava mekem mifala safa?

Diutronomi 10:21

Yufala mas mekhae long Yawe. Hem nomoa hemi God blong yufala. An yufala lukim olketa barava bikfala samting wea hemi save mekem man fraet.

Revelesin 4:8

Nao fofala animol ya olketa evriwan garem siksfala wing, an olketa garem plande ae wea i stap evriwea long bodi blong olketa, nomata andanit long olketa wing tu. Olowe nomoa long de an naet, olketa no save res bat olketa gohed fo singsing olsem, “God Masta blong yumi, hemi holi tumas an hemi garem evri paoa. Hemi stap olowe bifoa an hemi stap distaem, an bae hemi kambaek moa.”