Sams 21:3 - Pijin Bible

³ Yu kam long hem, an yu givim olketa gudfala samting long hem. Yu wakem wanfala kraon long gol, an yu putum long hed blong hem.

Pijin Deuterocanon

³ Yu kam long hem, an yu givim olketa gudfala samting long hem. Yu wakem wanfala kraon long gol, an yu putum long hed blong hem.

Sams 21:3 Iomraidhean Croise

2 Samuel 12:30

Long taon ya, wanfala tambu kaving blong god olketa kolem Milkom hemi stap. Long hed blong hem, wanfala kraon hemi stap, an olketa wakem kraon ya long gol. Hevi blong kraon ya hemi kasem teti-foa kilo, an hemi garem olketa nambawan spesol ston. King Deved hemi tekemaot kraon ya, an olketa putum hem long hed blong hem. An hemi tekemaot plande narafala samting tu from taon ya.

2 Samuel 2:4

Bihaen, olketa man blong Jiuda i kam long Hebron, an olketa kapsaetem lelebet oel long hed blong Deved fo mektambu long hem, mekem hemi kamap king long pipol blong Jiuda. Nao Deved hemi herem dat olketa pipol blong taon long Jabes long Gilead i berem finis King Sol.

2 Samuel 5:3

Taem evri lida blong Israel i kam long Hebron, Deved hemi mekem wanfala strongfala agrimen wetem olketa long ae blong Yawe. Olketa agri fo Deved hemi king blong olketa an olketa i pipol blong hem. So olketa kapsaetem lelebet oel go long hed blong hem fo mektambu long hem, mekem hemi kamap king blong Israel.

1 Kronikols 20:2

Bihaen, Deved hemi go tekemaot kraon from hed blong tambu kaving blong disfala god Milkom. Kraon ya, olketa wakem long gol an olketa gudfala spesol ston. Hevi blong gol long kraon ya hemi teti-foa kilo. Nao olketa putum hem long hed blong Deved. An hemi tekemaot plande narafala samting tu from taon ya.

2 Kronikols 6:41

“O Yawe God, plis yu kam an stap olowe long ples blong yu wetem Tambu Boks wea hemi saen blong bikfala paoa blong yu. O Yawe God, plis yu mekem olketa prist blong yu fo lukluk olowe long yu mekem yu sevem olketa, an mekem olketa hu i tinghevi long yu fo barava hapi tumas long olketa gudfala wei blong yu.

Stori abaotem Job 41:11

?Hu nao save tok agensim mi mekem mi stretem samting? No eniwan nao, bikos mi nao mi kontrolem evrisamting long disfala wol.

Sams 18:18

Taem mi stap long trabol, olketa faetem mi, bat Yawe hemi lukaftarem mi, an hemi sevem mi.

Sams 20:5

Nao bae mifala i hapi an gohed fo singaot bikfala taem yu winim faet. An bae mifala i selebretem disfala samting ya, an gohed fo preisim God blong yumi. Mi laekem tumas wea Yawe bae hemi givim evrisamting ya wea yu gohed fo askem long hem.

Sams 31:19

!Lod Yawe, yu gudfala tumas! Long ae blong olketa pipol long wol, yu bin gohed fo givim olketa gudfala samting long olketa pipol wea i tinghae long yu an i trastem yu fo sevem olketa.

Sams 59:10

God blong mi hemi lavem mi tumas, an bae hemi kam an stap wetem mi. Ya, bae hemi letem mi lukim taem hemi winim olketa enemi blong mi.

Leta wea Pol hemi raetem go long sios long Rom 11:35

“?Hu nao i bin givim enisamting long God, mekem God hemi mas givimbaek samting long hem?”

Leta wea Pol hemi raetem go long sios long Rom 2:4

Ating yufala tingdaonem nomoa wei blong God, wea hemi barava kaen tumas an hemi no save kros kuiktaem, an hemi save gohed fo weit nomoa. ?Waswe, yufala no luksave nomoa wea God hemi kaen tumas, bikos hemi laekem yufala fo lusim olketa ravis wei blong yufala?

Efesas 1:3

!Yumi mas preisim God, Dadi blong Masta blong yumi Jisas Kraes! Bikos yumi stap joen wetem Jisas Kraes, God hemi givim yumi evri blesing blong hem long heven.

Hibrus 2:9

Bat Jisas nao hemi garem olketa paoa. Fo lelebet taem, God hemi mekem hem fo stap lou andanit long olketa enjel, mekem hemi somaot kaenfala lav blong God taem hemi sensim evri pipol an dae. An bikos hemi safa tumas an dae, God hemi liftimap nem blong hem an givim hem saen blong bikfala paoa blong hem.

Revelesin 19:12

Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

1 Samuel 16:13

So Samuel hemi tekem oliv oel, hemi kapsaetem go long hed blong Deved fo mektambu long hem. Hemi duim samting ya long ae blong olketa brata blong hem. Stat long de ya, Spirit blong Yawe hemi stap oltaem wetem hem. Bihaen, Samuel hemi gohom long Rama.