Sams 19:9 - Pijin Bible

⁹ Wei ya wea yumi tinghae long Yawe, hemi barava gud tumas, an bae hemi no save finis. Wei wea Yawe hemi jaj, hemi tru fogud, an oltaem hemi stret tumas.

Pijin Deuterocanon

⁹ Wei ya wea yumi tinghae long Yawe, hemi barava gud tumas, an bae hemi no save finis. Wei wea Yawe hemi jaj, hemi tru fogud, an oltaem hemi stret tumas.

Sams 19:9 Iomraidhean Croise

Jenesis 22:12

Nao enjel ya hemi tok olsem, “!Yu no kilim dae boe blong yu ya o mekem enisamting fo kasem hem! Distaem mi save nao dat yu gohed fo barava tinghae long God. An yu wiling fo givim an no laek fo holembaek nomoa disfala wanfala san blong yu ya wea yu garem, wea yu letem nomoa fo hemi dae.”

Jenesis 42:18

Nao long mektri de, hemi tok olsem long olketa, “Mi man fo tinghae long God ya, an sapos yufala duim olsem wea mi talem, bae mi save letem yufala laef.

1 Kings 18:12

An taem mi goaot from disfala ples, ating Spirit blong Yawe bae hemi tekem yu go long narafala ples wea mi no save. An sapos mi talem long king wea yu stap long hia, bat hemi no save faendem yu, bae hemi kilim mi dae nao. Mi tu mi man fo prea, an mi wosipim Yawe, stat long taem wea mi pikinini kam kasem tude.

Nehemaea 5:15

Bifoa, olketa gavna blong Jiuda bin gohed fo mekem olketa pipol safa. Oltaem, olketa gohed fo tekem olketa kaikai an waen from olketa ya, an olketa tekem tu haf kilo silva. An olketa wakaman blong olketa gavna i gohed fo bosim nogud olketa pipol. Bat mi no laekem fo duim olsem, bikos mi tinghae long God, an mi laekem fo obeim hem.

Sams 10:5

Oltaem olketa gohed fo win nomoa long waka blong olketa, bat olketa no save luksave dat bae yu jajem olketa. An olketa gohed fo toknogud long olketa enemi blong olketa.

Sams 111:10

Eniwan hu hemi laek fo kamap waes hemi mas tinghevi long Yawe. Ya, hemi givim gudfala tingting long olketa hu i obeim olketa gudfala toktok blong hem. Yumi mas preisim hem olowe.

Sams 115:13

Bae hemi blesim evriwan hu i tinghae long hem, nomata wea hemi garem biknem o nomoa.

Sams 119:1

Olketa pipol wea laef blong olketa hemi stret fogud falom lo blong yu Lod Yawe, olketa ya nao i hapi.

Sams 119:106

Olketa rul blong yu i stret fogud. Mi bin mekem finis wanfala strongfala promis fo falom olketa ya, an bae mi gohed fo kipim promis ya.

Sams 119:111

Olketa tising blong yu, bae i stap olowe long maen blong mi. Olketa ya i gohed fo mekem tingting blong mi fo hapi tumas.

Sams 119:142

Stretfala wei blong yu bae hemi stap olowe, an oltaem olketa gudfala tising blong yu hemi tru tumas.

Sams 119:39

Bikos rul blong yu hemi gudfala tumas, plis yu sevem mi from olketa nogud toktok blong olketa hu i agensim mi.

Sams 119:62

An nomata long midol long naet, mi wekap fo preisim yu, bikos olketa rul blong yu i stret fogud.

Sams 119:7

Taem yu tisim mi olketa stretfala rul blong yu, bae mi preisim yu long stretfala tingting blong mi.

Sams 119:75

Lod Yawe, mi save dat yu jajem pipol long stretfala wei. Ya, yu panisim mi fo olketa sin blong mi, bikos yu falom nao wei wea yu kipim promis blong yu.

Sams 12:7

Olketa nogud pipol ya i stap olobaot long evri ples, an olketa hapi tumas fo duim olketa nogud samting. Lod Yawe, plis yu lukaftarem an gadem mifala olowe nao, from olketa nogud pipol ya. (Singsing blong Deved.)

Sams 147:19

Yawe hemi talemaot olketa toktok blong hem an olketa lo blong hem fo tisim yumi olketa pipol long Israel.

Sams 36:1

Oltaem ravis tingting hemi save stap insaet long maen blong olketa nogud pipol, dastawe nao olketa no save tinghae long God.

Sams 36:6

Lod Yawe, stretfala wei blong yu hemi no save sens, hemi olsem olketa maonten wea i no save muv, an stretfala wei blong yu fo jajem pipol, hemi had tumas nao fo eniwan hemi save long hem. Lod Yawe, Yu nao yu gohed fo sevem olketa pipol an olketa animol tu.

Eksodas 21:1

Yawe hemi gohed fo tok olsem long Mosis, “Hem nao olketa narafala lo wea yu mas givim long olketa pipol ya fo falom.

Provebs 8:13

Sapos yu tinghae long Yawe, yu nating laekem nogud wei. Mi les long praod wei, an wei fo tingdaonem eniwan. Mi les long ravis wei an ravis toktok.

Aesaea 26:8

Ya, mifala barava trastem stretfala wei wea yu jajem long olketa pipol. Nambawan samting wea mifala laekem nao, fo evri pipol mas onarem nem blong yu.

Aesaea 45:19

Mi nating haedem toktok blong mi, o haedem plan blong mi from yufala. An mi no talem yufala fo lukaotem mi fo nating. Mi nao Yawe, an mi talem nomoa toktok wea hemi tru. Ya, oltaem mi talemaot nomoa wanem hemi stret.”

Aposol 10:22

Nao trifala man ya olketa tok olsem, “Yu save, Konilias, disfala bikman blong ami nao hemi sendem mifala kam ya. Hemi wanfala stretfala man wea hemi save wosipim God, an olketa pipol blong Jiu olketa barava tinghae tumas long hem. An wanfala enjel blong God nao, hemi talem hem fo askem yu kam long haos blong hem, mekem hemi save herem wanem bae yu talem.”

Leta wea Pol hemi raetem go long sios long Rom 11:22

Yufala mas tingim gud dat God hemi save sore an kaen tumas, bat hemi save jajem yumi tu. Hemi jajem olketa hu i lusim wei blong hem, bat hemi sore an kaen long yufala sapos yufala gohed fo falom gudfala wei blong hem. Bat sapos yufala no duim diswan, bae hemi katemaot yufala tu.

Leta wea Pol hemi raetem go long sios long Rom 2:2

Yumi save, God hemi duim stret samting taem hemi jajem olketa pipol hu i duim olketa samting olsem.

Diutronomi 4:8

An olketa narafala kantri, nomata olketa garem paoa olsem wanem, bat olketa nating garem eni lo wea hemi barava stret gudfala olsem olketa lo wea mi tisim yufala long hem distaem.

Revelesin 15:3

Olketa singim disfala singsing wea Mosis, wakaman blong God, hemi bin singim, an wea Smolfala Sipsip ya tu save singim. Hemi sei olsem, “God Masta, yu nao garem evri paoa. Olketa waka blong yu, i barava bik tumas, an evriwan i sapraes tumas long hem. Yu nao King blong evri kantri long wol, an olketa wei blong yu i stret an tru tumas.

Revelesin 16:7

Mi herem moa wanfala voes long olta hemi tok olsem, “!Ya, hemi tru! God Masta, yu nao garem evri paoa. Olketa wei blong yu fo jajem olketa pipol, hemi tru an stret tumas.”

Revelesin 19:2

An olketa wei blong hem fo jajem olketa pipol hemi tru an hemi barava stret. Hemi jajem finis disfala barava nogud juri ya. Disfala ravis wei blong juri ya fo durong wetem eniwan, hemi spoelem tingting blong olketa pipol long wol. God hemi bin panisim juri ya bikos hemi kilim dae olketa wakaman blong God.”

1 Samuel 12:24

Yufala mas tingting strong fo obeim Yawe olowe, an yufala mas falom hem long evri tingting blong yufala. An oltaem, yufala mas tinghevi long olketa bikfala waka wea hemi mekem finis fo yufala.